Lajme

Lija e majmunit, SHBA gati planin e vaksinimit: Do imunizojmë me mijëra!

Autori: Gazeta inFokus 13:01 | 29 June 2022

Shtëpia e Bardhë e ka gati planin: Mijëra vaksina kundër lisë së majmunit do të shpërndahen në SHBA në kuadër të fushatës për të ndalur shpërthimin e sëmundjes.

Zyrtarët sqaruan se po punojnë për të rritur numrin e testimeve dhe kanë zgjeruar grupin e njerëzve që këshillohen të vaksinohen.

I identifikuar fillimisht vetëm në Afrikë, virusi është përhapur në SHBA dhe Europë me shpejtësi të habitshme. Deri më tani në SHBA janë regjistruar 306 raste edhe asnjë vdekje.

-Advertisement-

Por autoritete shëndetësore vendase paralajmërojnë se numri i vërtetë i të infektuarve mund të jetë më i lartë se kaq. Në gjithë botën janë regjistruar mbi 4,700 raste në 49 shtete. Në udhëzimin e fundit, administrate amerikane bëri thirrje të vaksinohet kushdo që beson se është ekspozuar ndaj lisë së majmunëve.

Ky udhëzim i drejtohet më së shumti meshkujve homoseksualë, pasi shumica e rasteve të identifikuara deri tani në Amerikë ka qenë në radhët e këtij komuniteti. Departamenti për Shëndet do të nisë shpërndarjen e 56,000 dozave të vaksinës – që merret me dy doza ndaras – Jynneos e cila është prodhuar nga kompania daneze, Bavarian Nordic.

Lia e majmunëve nuk përhapet lehtë mes njerëzve, mirëpo mund të bartet përmes kontaktit me lëkurën, nga rrobat apo peshqirët.

Subscribe në YouTube: GAZETA INFOKUSI
Etiketa:
BKT Kosova synon të rrisë ndërgjegjësimin lidhur me çrregullimet e spektrit të autizmit në Ditën Botërore të Ndërgjegjësimit për Autizmin

Të tjera

Fokusi

lajme