Ekonomi

Ligji për paga po ndryshohet, Haradinajt nuk i garantohet rroga

Autori: Sylejman Sylejmani 10:44 | 23 January 2019

Nëse do të kalonte sikur në lexim të parë ligji për pagat, kryeministrit Ramush Haradinaj nuk do t’i zbritej paga edhe për katër vitet e ardhshme.

Kjo pasi neni 27 i këtij ligji, do t’ia mundësonte Haradinajt që për katër vjet të merrte shtesa të cilat do t’ia plotësonin pagën që e merrte para hyrjes në fuqi të ligjit.

Megjithatë, ashtu siç mëson Gazeta inFokus, komisioni për administratë ka vendosur që ta heq këtë nen nga ligji.

-Advertisement-

Përfundimisht, rroga e Haradinajt nga 2,930 euro do të zbritet në 2,629 euro. Së paku kështu parashihet me koeficientin e propozuar, nesh nuk ndryshohet deri në ditën kur do të dërgohet për votim në Kuvend.

Ky nen thoshte se në vitin e parë Haradinaj do të merrte 100 për qind shtesa, të cilat do t’ia bënin atij rrogën e njëjtë sikur që e kishte para ligjit.

Në vitin e dytë, sipas këtij neni kryeministri do t’i merrte 75 për qind të 301 eurove që do t’i hiqen nga paga e vjetër.

Në vitin e tretë, Haradinaj do t’i merrte 50 për qind të tyre, kurse në vitin e katërt do t’i merrte 25 përqind.

Mirëpo, ky nen sipas burimeve të Gazetës inFokus do të hiqet dhe Haradinaj nuk do t’i gëzojë këto shtesa. /Gazeta inFokus/

Subscribe në YouTube: GAZETA INFOKUSI

Të tjera

Fokusi

ekonomi