Lajme

“Largohuni nga ky shtet”: Refugjatët ukrainas po ndihen gjithnjë e më të pasigurt në Poloni

Autori: Gazeta inFokus 16:54 | 01 August 2026

Pak para se ajo dhe i dashuri i saj u rrahën brutalisht në rrugët e qytetit polak të Vroklavit, ukrainasja e quajtur Anastasia Kitsay ishte brenda një dyqani duke blerë kafe.

Kur një burrë i doli përpara në radhë për të paguar birrën që kishte blerë, Kitsay i tha se ajo ishte para tij për të paguar, tha nëna e saj, Karina për Shërbimin ukrainas të Radios Evropa e Lirë. Burri iu përgjigj: “A je në Ukrainë?” dhe e quajti atë “leckë ukrainase”, teksa po debatonin dhe ai po largohej nga dyqani.

Pak minuta më vonë, ai burrë dhe edhe dy persona të tjerë e goditën me grushte dhe shqelma të dashurin ukrainas të Kitsayit, Maksimin, teksa ai qëndronte pranë veturës së tij, ndërsa goditën me grushte edhe Kitsayin. Përleshja, që ndodhi më 26 korrik, u filmua dhe u shpërnda gjerësisht në rrjetet sociale ukrainase dhe polake.

-Advertisement-

Të dy u shtruan në spital. Dy nga burrat u deklaruan të pafajshëm ndaj akuzave për sulm me motive etnike më 29 korrik gjatë paraqitjes para një gjykate në Vroklav. Kryetari i qytetit e dënoi incidentin, duke deklaruar: “Në qytetin tonë nuk ka dhe nuk do të ketë tolerancë për dhunën e motivuar nga urrejtja, ksenofobia apo paragjykimet kombëtare”.

Që nga nisja e pushtimit në shkallë të plotë të Ukrainës nga Rusia më 2022, Polonia ka pranuar më shumë refugjatë ukrainas se çdo vend tjetër evropian, përveç Gjermanisë. Sipas të dhënave të Kombeve të Bashkuara, deri në prill, gati 1 milion ukrainas kishin statusin e refugjatit në Poloni.

Si Qeveria aktuale në Varshavë, ashtu edhe paraardhësja e saj, e kanë konsideruar mbrojtjen e Ukrainës fqinje si një prioritet të sigurisë kombëtare.

Teknologjia në kuzhinë nuk është vetëm çështje komoditeti, por edhe kohe: Njihuni me pllakën inovative me induksion Miele KM 8000!
-Advertisement-

T� tjera

Ky website përdor cookies. Duke vazhduar përdorimin, ju pranoni përdorimin e tyre.

Privacy policy