Anëtarët e Lëvizjes Vetëvendosje kanë votuar sot për të zgjedhur kryetarin e ardhshëm të partisë. Ish-udhëheqësi i partisë, Albin Kurti, ishte i vetmi kandidat për ta drejtuar partinë gjatë viteve të ardhshme. Në fletëvotim ishin opsionet “për”, “kundër” dhe “abstenoj”.

Në procesin e votimit nuk janë parë të kenë marrë pjesë disa prej të pakënaqurve me zhvillimet e fundit brenda VV’së.

Por, përkrahësit e Albin Kurtit kanë njoftuar se e kanë kryer obligimin, duke votuar për liderin e ardhshëm trevjeçar të Partisë.

-Advertisement-

Ata kKanë bërë thirrje të dalin edhe të dorëhequrit nga postet në parti, me në krye ish-Kryetarin Visar Ymeri. Por, thirrjen edhe të Kurtit nuk e kanë dëgjuar të dorëhequrit.

Asnjëri prej tyre nuk ka dalë të votojë – as Dardan Molliqaj, as Dardan Sejdiu, as Dukagjin Gorani, as Driton Çaushi, as Shqipe Pantina, as Aida Dërguti, as Shkodran Hoti, e as Zgjim Hyseni.

E, Kryetari i Prishtinës, Shpend Ahmeti, ka shkuar për të votuar për kryetar të Vetëvendosjes, në një përpjekje për t’u paraqitur si neutral.

Deri më sot ai është munduar të mos identifikohet as me krahun e Albin Kurtit, as me atë të Dardan Molliqajt – ndonëse ka thënë se nuk e përkrah platformën e Kurtit për kryetar.

Nëpërmjet një postimi në faqen e vet zyrtare në Facebook, Vetëvendosje ka treguar se kush ishin zyrtarët e lartë që dolën për ta votuar Kurtin.

“Parimi një anëtar – një votë, mblodhi sot anëtarësinë e Lëvizjes VETËVENDOSJE! duke votuar në zgjedhjet e brendshme për organizatën e saj në secilin qytet, lagje e fshat e kudo aty ku Lëvizja ka shtrirjen e saj. Interesimi i madh për këtë proces demokratik tregon për një organizatë të gjerë dhe strukturë aktive”, thuhet në postimin e shoqëruar me fotografi gjatë votimit.

Aty shihen duke votuar edhe Shpend Ahmeti, Mytaher Haskuka, Fatmire Mulhaxha Kollçaku, Glauk Konjufca, Albulena Haxhiu, Xhelal Sveçla, dhe Rexhep Selimi.

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-