Lajme

Kurti në ceremoninë e diplomimit të 433 policëve: Mbrojtja dhe siguria e vendit janë prioritet

Autori: Gazeta inFokus 11:18 | 13 February 2023

Kryeministri Albin Kurti tha se për Qeverinë e Kosovës, mbrojtja dhe siguria e vendit, vendosja e rendit dhe ligjit janë prioritet.

Ai këto deklarime i bëri gjatë ceremonisë së diplomimit të gjeneratës së 57 të Policisë së Kosovës ku këtij institucioni iu shtuan 433 policë të rinj.

Kurti tha s ky çast është kulmi i punës së palodhur dhe rezultat i punës së përditshme.

-Advertisement-

“Jam dyfish i lumtur që jemi këtu në prag të festimit të 15 vjetorit të Pavarësisë së Kosovës tek po shtojmë dhe forcojmë radhët e Policisë së Kosovës. Sikur vendi ynë edhe Policia e Kosovës ka kaluar nëpër etapa të ndryshme. Të gjithë jemi të qartë se policia mbron jetën e qytetarëve dhe zbaton ligjshmërinë. Për Qeverinë tonë, mbrojtja dhe siguria e vendit, vendosja e rendit dhe ligjit janë prioritet”, tha Kurti.

Kryeministri Kurti shtoi se gjatë vitit të kaluar janë realizuar 854 operacione policore kundër krimit dhe kontrabandës, janë arrestuar 3 mijë e 202 veta, prej tyre 301 zyrtarë publik, janë mbyll 16 rrugë ilegale në veri dhe sipas tij janë ngrirë mbi e mbi 14 milionë euro mbi dyshimin e shpëlarjes ë parave publike.

Kurti përmendi edhe shkatërrimin e 5 laboratorëve të drogës, siq tha me vlerë qindra milionë euro dhe atyre të kriptovalutave.

Kurse ministri i Punëve të Brendshme, Xhelal Sveçla, tha se puna e policëve të rinj do të vazhdoj ta bëjë Policinë ndër institucionet më të besuara në Kosovë.

“Ju keni zgjedhur t’i bashkoheni një profesioni kaq të lartë e fisnik. 433 vajza e djem po i bashkohen synimit për zbatimin e rendit dhe ligjit, luftimin e krimit e korrupsionit, për një polici të disiplinuar që nuk do të toleroj asnjë lloj krimi ndaj shoqërisë, institucioneve dhe sovranitetit të Republikës sonë”, tha Sveçla.

Ndërsa, ushtruesi i detyrës së Drejtorit të Përgjithshëm të PK-së, Fehmi Hoti, tha se Policia e Kosovës është e gatshme të përballet me të gjitha rreziqet për ruajtjen e rendit dhe qetësisë publike.

Ai duke uruar pjesëtarët e ri të këtij institucioni, kërkoi nga ta që të shërbejnë më përkushtim e profesionalizëm për të gjithë qytetarët.

“Nga ju presim të udhëhiqeni nga parimet më të avancuara të trajtimit të barabartë me të gjithë qytetarët. Punën tuaj zbatone në ligj”, tha ai.

Subscribe në YouTube: GAZETA INFOKUSI
BKT Kosova vlerësohet për herë të tretë "Banka e Vitit 2023 në Kosovë" nga The Banker

Të tjera

Fokusi

lajme