Lajme

Krasniqi për masakrën e Srebrenicës: Asnjëherë nuk do të harrojmë, ashtu që asnjëherë të mos përsëritet

Autori: Gazeta inFokus 10:51 | 11 July 2023

Memli Krasniqi, kryetari i Partisë Demokratike të Kosovë ka kujtuar masakrën e Srebrenicës në 23 vjetorin e saj.

Krasniqi tha se “Regjimi kriminal serb kreu aktin më të tmerrshëm të gjenocidit që nga Lufta e Dytë Botërore, duke vrarë në gjakftohësi dhe me paramendim 8372 civil të paarmatosur, djem, burra e pleq”.

Mes tjerash tha se kriminelët serbë të udhëhequr nga Ratko Mladiç, nuk kanë kursyer askënd, dhe se këta kriminel, fatkeqësisht po enden të lirë pa u dënuar.

-Advertisement-

Postimi i plotë:
28 vite më parë, në Srebrenicë, regjimi kriminal serb kreu aktin më të tmerrshëm të gjenocidit që nga Lufta e Dytë Botërore, duke vrarë në gjakftohësi dhe me paramendim 8372 civil të paarmatosur, djem, burra e pleq.
Në këtë projeksion tragjik, të planifikuar e çnjerëzor, shumë nëna u lanë pa fëmijë, motra pa vëllezër, gra pa burra e vajza pa baballarë – një rajon i tërë i mbuluar me vdekje.
Kriminelët serbë, të udhëhequr nga kasapi Ratko Mladiç, nuk kishin kursyer askënd.
Fatkeqësisht, edhe sot, qindra kriminelë serbë që sollën shumë vdekje e shumë dhembje në tërë Ballkanin, vazhdojnë të enden të lirë, pa marrë asnjëherë dënimin e merituar.
Asnjëherë nuk do të harrojmë, ashtu që asnjëherë të mos përsëritet!

Subscribe në YouTube: GAZETA INFOKUSI
Etiketa:
Zbritje dhe plot 5 dhurata – Oferta spektakulare e dyshekëve Comodita
-Advertisement-

Të tjera

Fokusi

lajme