Sport

Kosova zbulon listën për ndeshjen me Maqedoninë

Autori: Gazeta inFokus 19:01 | 11 September 2018

Federata e Basketbollit të Kosovës (FBK) sot ka organizuar konferencë për media, të fundit në prag të ndeshjes, Kosovë – Maqedoni që do të luhet të enjten më 13 shtator në ora 20:30 në Pallatin e Rinisë dhe Sporteve në Prishtinë, në kuadër të parakualifikimeve për FIBA Eurobasket 2021.

Në konferencë të pranishëm ishin Drejtori i Përfaqësueseve të Kosovës, Granit Rugova, përzgjedhësi i Kosovës, Damir Mulaomerovic dhe kapiteni, Dardan Berisha.

Trajneri i Kosovës, Damir Mulaomerovic, ka thënë se Kosova është gati për ndeshjen.

-Advertisement-

“Kanë mbetur vetëm edhe pak ditë deri te ndeshja kundër Maqedonisë. Unë personalisht si trajner jam shumë i lumtur që jam pjesë e këtij grupi. Ne kemi punuar shumë, skuadër e ka bërë një punë shumë të mirë, kemi stërvitur me intensitet të lartë. Ne e kemi ndryshuar paksa filozofinë e ekipit, dhe përfundimisht do të jemi gati për të enjten”, ka deklaruar Damir Mulaomerovic gjatë konferencës.

“Maqedonia ka ekip shumë të mirë, ne e kemi kuptuar se së fundi e kanë angazhuar një lojtar amerikan, Richard Hendrix, por një gjë e tillë nuk i ndryshon planet tona. Lojtarët e kanë mirëpritur filozofinë time si trajner, ndërsa tani më mbetet vetëm të kërkoj nga tifozët që të vijnë në numër sa më të madh për të na përkrahur, sepse me të vërtetë këta lojtarë e meritojnë mbështetjen e të gjithëve”, theksoi Mulaomerovic.

Subscribe në YouTube: GAZETA INFOKUSI
Studio MASTER në UNI, Merr Diplomë dhe lejeqëndrim t’përhershëm në GJERMANI
-Advertisement-

Të tjera

Fokusi

sport