Lajme

Konjufca pret në takim gazetarët ukrainas të strehuar në Kosovë: “Ndihuni si në shtëpinë tuaj”

Autori: Gazeta inFokus 14:59 | 19 January 2023

Kryetari i Kuvendit të Republikës së Kosovës, Glauk Konjufca, priti në takim gazetarët nga Ukraina, të strehuar në Kosovë në kuadër të programit “Gazetarët në Rezidencë”, i iniciuar nga Asociacioni i Gazetarëve të Kosovës, Qendra Evropiane për Liri të Shtypit dhe Medias, si dhe mbështetur dhe financuar nga Qeveria e Kosovës.

Me anë të një kumtese për media bëhet e ditur se në takimin e cilësuar të përzemërt, Konjufca theksoi ndër të tjera se populli i Kosovës qëndron përkrah popullit të Ukrainës në këto kohë të vështira por edhe atëherë kur paqja dhe liria sërish do të ngadhënjejnë atje.

Ai po ashtu vuri në pah se Republika e Kosovës i është bashkuar botës humane e demokratike duke e dënuar agresionin e Federatës Ruse ndaj Ukrainës dhe i është përgjigjur edhe me sanksione këtij agresioni të paprovokuar.

-Advertisement-

“Jeni çdoherë të mirëpritur në shtetin tonë dhe ndihuni si në shtëpinë tuaj”, u shpreh Konjufca.

Ndërkaq, gazetarët e Ukrainës raportohet se e falënderuan Konjufcën për pritjen dhe shprehën mirënjohjen e tyre për mikpritjen e ngrohtë dhe mbështetjen që u ka ofruar populli dhe Republika e Kosovës.

Subscribe në YouTube: GAZETA INFOKUSI
Comodita në Las Vegas Market prezanton linjat e reja të dyshekëve për tregun amerikan

Të tjera

Fokusi

lajme