Sport

Kombëtarja U19 e mposhti Lazion, në finale ballafaqohet me Moldavinë

Autori: Gazeta inFokus 22:01 | 20 February 2020

Djemtë e Kombëtares U19 kanë shënuar fitore kundër Lazios në turneun “ROMA CAPUT MUNDI”, me penallti 4:1, pasi ndeshja në kohën e rregullt u mbyll pa fitues me rezultat 2:2.

Ndonëse Kombëtarja U19 e Kosovës ishte në disavantazh prej 2:0, në pjesën e dytë arritën të shkrijnë epërsinë e lacianëve me golat e Ardit Tahirit në minutën e 58-të dhe Edon Ismajlit në minutën e 82-të dhe ndeshja në kohën e rregullt përfundoi me rezultat 2:2.

Fituesin e këtij dueli e përcaktuan penalltitë, ku të zgjedhurit e Ramiz Krasniqit u treguan të saktë nga pika e bardhë ku shënuan Leorant Marmullaku, Milto Avdyli, Ardit Tahiri dhe Dhurim Zhuri.

Ishte një ndeshje jashtëzakonisht e vështirë dhe e fortë.

Djemtë e Kombëtares u dëshmuan mjaft mirë me lojë dhe rezultat.

Nesër Kombëtarja U19 do të takohet në finale njëjtë sikur edhe femrat me Moldavinë në orën 10.00.

Lazio – Kosova 1:4 me pen. (2:2)

Për Kosovën luajtën: L. Avdyli, V. Azemi, Salihu, V. Hyseni, L. Marmullaku, M. Avdyli, J. Miftari, Ajdini e Dh. Zhuri, Ismajli e Tahiri, luajtën: Sinani, Gërxhaliu, Behrami, Miftari, Dushi, Abazi, Shala, Talla, Zhuri, L. Emerllahu, Ibrahimi.

Të tjera