Ekonomi

“Kockarët” i shkruajnë ministrave të Ramush Haradinajt (Dokument)

Autori: Sylejman Sylejmani 15:31 | 25 March 2019

Një kërkesë prej 19 faqesh, Shoqata e Lojërave të Fatit e ka nisur në drejtim të ministrave të Qeverisë së Kosovës, një ditë para se të votohet ligji për ndalimin e lojërave të fatit në Kosovë.

Në këtë dokument të siguruar nga Gazeta inFokus, kjo Shoqatë ka kërkuar nga ta që të ndalojnë vendimin për mbylljen e tërësishme të lojërave të fatit në Kosovë.

Shoqata ka renditur disa arsye përse këto lloje të bizneseve nuk duhet të mbyllen.

-Advertisement-

Sipas tyre, kontrollimi, mirëmbajtja dhe mbikëqyrja nga ana e vetë shtetit ndaj lojërave të fatit kontribuon në zhvillimin shoqëror.

Shoqata tërheq vërejtjen se në disa vende të rajonit dhe botës, tentimi për t’i mbyllur dhe larguar nga tregu i punës i të gjitha lojërave të fatit pa ndonjë analizë të mirëfilltë, ka rezultuar me pasoja të mëdha në aspektin ekonomik dhe shoqëror.

Si shembull, ata kanë marrë Indinë e cila sipas tyre ka një qasje të tillë.

Shoqata thotë se tregu i lojërave të fatit atje vlerësohet të jetë rreth 60 miliardë dollar amerikan, prej të cilave gjysma qarkullojnë nga aktivitetet ilegale të lojërave të fatit.

Në vazhdim mund ta lexoni të plotë letrën e Shoqatës së Lojërave të Fatit dërguar ministrave. /Gazeta inFokus/

DOKUMENT: kockaret_watermark (1)