Sport

Kjo skuadër është favorit në Ligën e Kampionëve

Autori: Gazeta inFokus 14:54 | 16 November 2018

Prania e Cristiano Ronaldos në skuadrën e Juventusit u jep atyre një mundësi të madhe për të fituar Ligën e Kampionëve.
Kështu ka deklaruar ylli argjentinas Paulo Dybala, që ndihet i kënaqur që ka mundësinë të punojë me një legjendë moderne të futbollit.

Liga e Kampionëve është synimi kryesor i Juventusit këtë sezon pas dominimit prej shtatë vitesh në Serie A.

‘Bianconerët’ kanë arritur dy herë në finale të Ligës së Kampionëve në katër vitet e fundit, por Barcelona dhe Real Madrid në këtë garë dolën të jenë një pengesë e madhe për ta.

-Advertisement-

Por, ardhja e Ronaldos në klubin e tyre i ka bërë lojtarët të besojnë se tani lavdia evropiane është e mundshme, me një lojtar që në supet e tij numëron pesë trofe të Topit të Artë.

“Në Juventus, është gjithmonë i njëjti objektiv, për të fituar tituj”, ka deklaruar Dybala për ‘Daily Mirror’.

“Është e vërtetë se këtë vit, nga jashtë, Liga e Kampionëve duket më shumë se një obsesion, por fokusi është si gjithmonë, edhe në titullin e ligës”.

“Do të kemi një mundësi të madhe për të fituar Ligën e Kampionëve këtë vit. Ronaldo na siguron një opsion tjetër, është një lojtar i mirë dhe këtë vit kemi luajtur shumë mirë”, ka shtuar argjentinasi.

Subscribe në YouTube: GAZETA INFOKUSI