Kjo është lista e produkteve nga Serbia që nuk do të paguajnë taksën 100% (Dokument)
Autori: Agnesa Çitaku 15:18 | 23 November 2018
Nëntë brende ndërkombëtare nuk do të ‘preken’ nga taksa doganore prej 100%.
Gazeta inFokus ka siguruar listën në të cilën përjashtohen nga taksa produkte të qumështit, produkte higjienike, blloka për ndërtim, pije e pajisje elektronike shtëpiake.
Në mesin e nëntë brendeve, 7 prodhohen në Serbi ndërsa 2 në Bosnje.
Sipas të njëjtin dokument brendet që prodhohen në Serbi e që nuk do të paguan taksë prej 100% janë Coa-Cola, Ytong blloka, Rauch Bravo, Henkel/ Persil, Tuborg dhe Gorenje.
E të liruara nga kjo taksë do të jenë edhe dy brende të prodhuara në Bosnje, brendi Dukat dhe Meggle.
Ndërsa kompanitë që do të importojnë në Kosovë këto brenda janë Coca-Cola HBC, Ymalko, Meridian Corporation, Elkos- SHPK, Lactalis- SHPK, Gorenje-NITI-tiki, Delfin LTD dhe Fluidi.
Se produktet ndërkombëtare do të lirohen nga taksa doganore prej 100 % ishte deklaruar qysh në ditën kur u morr vendim për rritjen e taksës doganore prej 10 në 100% për të gjitha produktet që prodhohen në Serbi e Bosnjë e Hercegovina.
Ndërsa të enjten për vendimin e Qeverisë së Kosovës kanë reaguar përfaqësuesit politik dhe afaristët e Preshevës, Medvegjës dhe Bujanocit.
Ata e kanë përkrahur vendimin por kanë kërkuar që masa tregtare të largohet për bizneset shqiptare në atë zonë.
Prodhuesit kosovarë e mirëpresin vendimin
Njëri nga importuesit më të mëdhenj në vend, Ramiz Kelemdni në një prononcimin për Gazetën inFokus ka thënë se Kosova nuk është e varur nga produktet serbe.
Duke komentuar vendimin e sotëm të Qeverisë së Kosovës për vendosjen e taksës doganore prej 100 për qind për produktet e Serbisë dhe Bosnjës dhe Hercegovinës, Kelmendi ka thënë se do të përdorin mallra nga shtete tjera evropiane.
“Ne i kemi shtetet alternative, ne nuk jemi të varur nga produktet e Serbisë le t’i qesin masë edhe 1000 për qind neve nuk na shkakton asnjë dëme sepse i kemi alternativat prezentë në tregun e Kosovës”, tha ai.
Kelmendi ka shtuar se kjo taksë do të rrisë çmimet e produkteve të prodhuara në Kosovë.
“Po do të rriten të gjitha çmimet, por këtu është një defekt i madh sepse të gjithë prodhuesit vendor që e kanë bazë materialin nga Serbia do ti rrisin edhe ata çmimet sepse do të blejnë produkte më të shtrenjta dhe me kosto të produktit më të shtrenjtë dhe do të ndikojnë në çmimin e prodhimit të tyre dhe prodhuesit e tjerë të shteteve evropiane që kanë këto produkte do të jenë më atraktive sesa veç prodhimet vendore”, ka thënë ai.
E për këtë vendim pati reagime edhe nga ndërkombëtarët të cilët kërkuan largimin e menjëhershëm të tij.
Por kryeministri i vendit, Ramush Hradainaj të enjten u ka dhënë një përgjigje. Ai ka deklaruar se masa tregtare do të hiqet vetëm atëherë kur Kosova ta njohë Serbinë.
“Serbia ka me u mundu me testu qëndrueshmërinë tonë, duke na provokuar në forma të ndryshme, së pari duke u thirrur në katastrofë humanitare për serbët e Veriut, e që në të vërtetë nuk do të ndodh një gjë e tillë. Ajo do të mundohet të vë edhe barrikada në Veri, siç është e njohur me forma të tilla, por, prapë nuk do të ketë sukses. Të gjitha këto variante janë rrugë të gabuara nga ana e Serbisë nëse do t’i ndërmarr. Rruga e vetme e drejt është që ta njohë Kosovën si shtet”, ka thënë Haradinaj.
Ndryshe shteti serb çdo vit në Kosovë eksporton afër 400 milionë euro duke u bërë kështu importuesi më i madh në Kosovë./Gazeta inFokus
Lexo edhe: Flet Ramiz Kelmendi: Nuk jemi të varur nga mallrat serbe
Të tjera
-
Kusari-Lila: Borrelli e Lajçaku s’kanë lejuar që qeveria ta hartojë konceptin e Asociacionit
Shefja e deputetëve të Lëvizjes Vetëvendosje, Mimoza Kusari – Lila, ka thënë ...
-
Imami kosovar thirrje Kurtit e Haxhiut: Lejoni shamitë në shkolla!
Imami Kosovar Labinot Maliqi, përmes një postimi ne facebook i ka bërë thirrj...
-
Besnik Tahiri: Nëse e bën këtë, unë i them hallall të koftë Albin Kurti
Shefi i GP-së së AAK-së, Besnik Tahiri, është shprehur i pakënaqur me punën e...
-
Marëdhënie në nivel strategjik
Kina deklaroi ngritjen e marrëdhënieve me Hungarinë Serbinë mbi nivelin e par...
-
Përbërja e re e Kuvendit të RMV-së do të jetë me 30 deputetë shqiptarë
Përbërja e re e Kuvendit të Maqedonisë së Veriut do të ketë 30 deputetë shqip...
-
Firmat e sanksionuara, dikur në bashkëpronësi të Radoiçiqit, fituan miliona euro
Mbi 23.5 milionë euro. Kaq fituan tri kompani ndërtimi në Serbi, të cilat gje...
-
Kurti: Vazhdojnë të mblidhen dëshmitë e krimeve të kryera gjatë luftës në Kosovë
Kryeministri i vendit, Albin Kurti, ka takuar drejtorin ekzekutiv të Institut...
-
Gjenerali amerikan merr detyrën e shefit të shtabit të KFOR-it në Kosovë
Gjeneral brigade Arthur J. Garffer nga ushtria amerikane ka marrë zyrtarisht ...
-
Bajrami – Gërvallës: S’mbulohën dështimet në politikën e jashtme me të pavërteta për ekonominë e Kosovës
Hykmete Bajrami, deputete e Lidhjes Demokratike të Kosovës, i ka reaguar, min...
-
Abdixhiku takon delegacionin 30 anëtarësh të CSU-së: LDK-ja i ruan dhe i kultivon raporte me forcat kryesore evropiane
Kreu i LDK-së, Lumir Abdixhiku, njofton se ka mirëpritur delegacionin 30 anët...
-
Skandaloze: Në parcelën ku duhet të ndërtohet një çerdhe në Prishtinë, po ngrihet një objekt banesor
Një skandal i madh, i pa parë deri më tash po ndodh në komunën e Prishtinës, ...
-
Bashkëluftetari i Ilir Konushevcit: S’kemi menduar kurrë se do t’i bëhej pritë në shtetin që kishim më së shumti besim
Sot janë bërë 26 vjet që nga rënia e heroit të kombit, Ilir Konushevci, bashk...