Sport

Këta sportistë kosovarë do t’i marrin nga 1 mijë dollarë në muaj

Autori: Gazeta inFokus 15:08 | 25 April 2017

Komitetit Olimpik i Kosovës, Federata Skitare e Kosovës dhe tre sportistë i kanë nënshkruar kontratat për ndarjen e Bursës Olimpike për Lojëra Olimpike Dimërore “PyeongChang 2018”.

Përfitues të kësaj burse janë sportistët: Albin Tahiri, Venesa Gjurkaj dhe Arbi Pupovci. Ata për çdo muaj do të marrin nga 1 mijë dollarë, raporton zeri.info.

Image

Albin Tahiri, si përfitues i kësaj burse tanimë e ka fituar​ normën olimpike në katër disiplina dhe pritet ta arrijë normën edhe në disiplinën e pestë.

Ndërsa, Venesa Gjurkaj​ dhe Arbi Pupovci​ pritet që, po ashtu të jenë pjesë e Lojërave Olimpike Dimërore, duke arritur edhe ata normë olimpike.

Image

“Kjo bursë është vazhdim i përkrahjes së sportistëve kulminantë nga ana e Komitetit Olimpik të Kosovës dhe nga sot këta sportistë do t’i kenë shumë më të lehta përgatitjet për përfaqësimin e Kosovës në Lojërat Olimpike Dimërore, që do të mbahen në PyeongChang 2018”, njofton KOK-u, i cili i kishte ndihmuar me bursa në mënyrë të tillë edhe sportistët që morën pjesë në Olimpiadën e Rios 2016.

Të tjera

Fokusi

sport