KEK-u angazhon si këshilltar 75 vjeçarin e Vetëvendosjes
Autori: Gazeta inFokus 16:47 | 20 August 2021
Me të emëruar anëtarët e rinj në bordin e Korporatës Energjetike të Kosovës, të “deleguarit” e qeverisë së Albin Kurtit, kanë angazhuar si konsulent anëtarin e shtyrë në moshë të Vetëvendosjes Gazmend Begolli. Begolli, qe ka moshën mbi 75 vjeçare, del të jetë edhe i afërt i familjes së anëtarit të bordit të KEK-ut, Arbnor Pula.
Gazeta Infokus mëson se Begolli, është angazhuar si konsulent i KEK-ut në çështje teknike dhe operative për qëllime të mbarëvajtjes së projekteve vitale të korporatës.
Ai sipas kontratës, për pesë muaj që do të jap këshilla për këtë ndërmarrje do të paguhet me nga mbi 2000 euro në muaj.
Angazhimin e tij, e kanë konfirmuar edhe në KEK.
Zëdhënësi i korporatës Skënder Bucolli thotë se KEK është në vlugun e zhvillimit të disa projekteve madhore teknike dhe operative që kane ndikim në të ardhmen e punës dhe performances së korporatës si dhe sigurinë energjetike të shtetit për 30 vitet e ardhshme, shkruan Gazeta Infokus.
Në këtë rast, sipas tij, duke marr parasysh rëndësinë e këtyre çështjeve si dhe resurset dhe ekspertizën që nevojitet, korporata ka identifikuar si një nevojë angazhimin e përkohshëm të një konsulence ( eksperti) për asistence KEK-ut në çështje teknike dhe operative për qëllime te mbarëvajtjes se projekteve vitale të korporatës.
“Duke respektuar me përpikëri dispozitat e Ligjit të Prokurimit Publik, për një periudhe të kufizuar strikte 5 mujore të angazhimit, eksperti në fjalë është angazhuar për dhënien e këshillave dhe përkrahje profesionale të aktiviteteve shumë komplekse që janë përtej operimeve rutinore të korporatës dhe që ndërlidhë mekanizma ndërkombëtar financues dhe zbatues”, ka bërë të ditur Bucolli.
Megjithatë ai nuk ka dhënë detaje lidhur me afërsinë familjare të Begollit me anëtarin e bordit të KEK-ut, Arbnor Pula dhe Lëvizjen Vetëvendosje.
Ndërkaq vet Pula ka sqaruar se me Begollin nuk kanë lidhje të afërt familjare.
“Joooo mor çfarë, s’është daja jem. Kurgjo hiq, me kallzu lidhjen tem familjare me to i bien kurgjo. Gjyshja e nanës time, gjyshin e tina, djalë të agjes, qekaq jem afër. Kurrfarë lidhje familjare”, ka thënë Pula për Gazetën Infokus.
Ai thotë se për herë të parë Begollin e ka takuar në KEK.
Ndryshe edhe vetë Pula ka lidhje të afërta me deputetët të Vetëvendosjes. Ai ka qenë i afërt me partin e Mimoza Kusarit, kurse në zgjedhjet e fundit publikisht ka mbështetur partinë e Albin Kurtit.
Në maj të vitit 2018, kryeministri i Kosovës, Albin Kurti kishte publikuar një fotografi ku zyrtarizonte anëtarësimin e Begollit në këtë parti.
“Sot në Lëvizjen VETËVENDOSJE! u anëtarësua inxhinieri i diplomuar i makinerisë, mësimdhënësi dhe eksperti në fushën e energjisë dhe termo-energjetikës, z. Gazmend Begolli”, pati shkruar Kurti.
Ndryshe në arsyetimin e KEK-ut për angazhimin e begollit thuhet se ai ka një eksperiencë mbi 50 vjeçare në sektorin e energjetikës, ka përvojë mbi 30 vjeçare ne menaxhim dhe përkrahje menaxheriale (kryesisht ne termocentrale dhe impiante industriale), duke përfshi edhe të qenit udhëheqës ekzekutiv i dy Termocentraleve (Kosova A dhe 😎 për gati 5 vite me radhë.
Përveç kësaj, ky punësim bie ndesh edhe me vendimin e kryeministrit Albin Kurti i cili në muajin Prill 2020 kishte shkarkuar Bordin Drejtorëve të KEK-ut duke konsideruar së kishin bërë shkelje në punësimet e personave mbi moshën 65 vjeçare.
“KEK-u ka punësuar kundërligjshëm persona mbi moshën 65-vjeçare të pensionimit dhe i ka mbajtur në punë për vite të tëra”, thuhet në vendimin e Kurtit në pjesën kur janë renditur Shkeljet në punësim — Parregullsi, nepotizëm, diskriminim. /Gazeta Infokus/
Të tjera
-
Ndërpritet konferenca STEMinists’24 nga protestueset, kërkohet përgigje nga ministrja Nagavci për rastin e profesorit Xhevat Krasniqi
Rektori i Universitetit të Prishtinës, Qerim Qerimi nuk përfundoi fjalimin e ...
-
Hoti: Banka Botërore e demantoi propagandën e pushtetit se ka zhvillim ekonomik
Deputeti i Lidhjes Demokratike të Kosovës, Avdullah Hoti, ka thënë se Qeveria...
-
Mbahet seanca e parë e Kuvendit Komunal në objektin e Zubin Potokut
Për herë të parë që pas zgjedhjeve të vitit të kaluar, të premten u mbajt sea...
-
Voton diaspora në Maqedoninë e Veriut, këto janë rezultatet zyrtare
Janë publikuar rezultatet zyrtare të Komisionit Shtetëror të Zgjedhjeve nga r...
-
Aksident mes katër veturash në Veternik, dy të lënduar
Dy persona kanë mbetur të lënduar si pasojë e një aksidenti mes katër veturav...
-
Zeqiri: Kemi punë përpara në funksionalizimin e objektit të Komunës
Ka përfunduar seanca e parë në Kuvendin Komunal të Zubin Potokut. Në seancë m...
-
Nervozohet Vuçiq: Veprimi i “neveritshëm”, duan t’i heqin sanksionet Kosovës
“Në Bashkimin Evropian tani kanë nisur një mekanizëm për heqjen e sanksioneve...
-
Të shtëna me armé në një lokal në magjistralen Prishtinë – Ferizaj
Policia e Kosovës ka arrestuar dy persona pasi njëri prejt tyre ka shtënë me ...
-
Mërgimtarët dërguan 112 milionë euro në Kosovë gjatë muajit mars
Mbi 112 milionë euro është vlera e dërgesave të mërgatës që janë sjellë në Re...
-
Shtatë raste të dhünës në familje në 24 orët e fundit në Kosovë
Shtatë raste të dhunës në familje janë raportuar në 24 orët e fundit në Kosov...
-
Përmbytjet vdekjeprurëse të Dubait, shkencëtarët bëjnë zbulimin e frishkëm! Një nga shkaktarët kryesor të kësaj katastrofe është…
Shiu rekord që ra mbi Emiratet e Bashkuara Arabe dhe Oman këtë muaj, duke shk...
-
Çitaku: Vetëvendosje në zgjedhjet e ardhshme do të jetë në opozitë
Sekretarja e përgjithshme e PDK-së, Vlora Çitaku tha se subjekti politik ku ...