Kaosi në pikat kufitare: Mërgimtarët po presin me orë të tëra
Autori: Gazeta inFokus
14:35 | 02 August 2026
Fluksi i shtuar i udhëtarëve gjatë sezonit veror ka shkaktuar kolona të gjata dhe pritje disaorëshe në pikat kufitare të Kroacisë, veçanërisht në vendkalimet me Malin e Zi dhe Serbinë.
Ambasada e Republikës së Kosovës në Zagreb u ka bërë thirrje bashkatdhetarëve dhe të gjithë udhëtarëve që të planifikojnë me kujdes udhëtimet, duke marrë parasysh vonesat dhe kufizimet aktuale.
Në njoftimin e saj, Ambasada bën të ditur se trafiku në pikat kufitare dhe urat ndërkombëtare vazhdon të zhvillohet me kufizime, si pasojë e fluksit të madh të automjeteve dhe udhëtarëve.
Në të gjitha pikat kufitare ndërkombëtare po zbatohet Sistemi Evropian i Hyrje/Daljes (EES), i cili regjistron automatikisht të dhënat personale, dokumentet e udhëtimit, si dhe kohën e hyrjes dhe daljes së shtetasve të vendeve të treta.
“Ambasada e Republikës së Kosovës në Zagreb, përmes Atasheut të Ministrisë së Punëve të Brendshme, z. Sefadin Kuçi, është në komunikim të vazhdueshëm me Stacionin Policor në Grude, i cili ka në përgjegjësi zonën ku ndodhen dy vendkalimet kufitare me Malin e Zi,” thuhet në njoftim.
Sipas Ambasadës, autoritetet kroate janë duke ndërmarrë të gjitha masat për të menaxhuar situatën dhe për të lehtësuar qarkullimin në këto pika kufitare.
Bazuar në të dhënat zyrtare të publikuara nga autoritetet kroate më 2 gusht në orën 11:58, në pikën kufitare Karasovići, në kufirin Kroaci–Mali i Zi, pritjet për hyrje arrijnë deri në katër orë, ndërsa në dalje raportohen pritje disaorëshe, me kolona që shtrihen për disa kilometra.
Në pikën kufitare Vitaljina, pritjet në dalje janë rreth katër orë.
Ndërkohë, në kufirin ndërmjet Kroacisë dhe Serbisë, në pikën kufitare Bajakovo, pritjet arrijnë deri në tre orë.
Situata ka bërë që Kryetari i Komunës së Konavlës, Božo Lasić, të aktivizojë Shtabin e Mbrojtjes Civile.
“Është bërë thirrje banorëve lokalë që të shtyjnë të gjitha udhëtimet me automjete personale që nuk janë të domosdoshme, me qëllim uljen e bllokimeve dhe rritjen e sigurisë në trafik,” njofton Ambasada.
Sipas të njëjtit njoftim, policia po devijon një pjesë të qarkullimit në rrugë alternative, ndërsa banorët e zonës po ndihmojnë udhëtarët duke shpërndarë ujë dhe duke vënë në dispozicion tualetet e tyre.
Përveç kufijve, kolona të gjata janë evidentuar pothuajse në të gjitha autostradat e Kroacisë. Kufizimet infrastrukturore në disa ura vazhdojnë të ndikojnë veçanërisht në qarkullimin e automjeteve të rënda.
Vonesat kanë prekur edhe transportin publik. Ambasada bën të ditur se disa bashkatdhetarë, të cilët gjatë ditës së djeshme kanë përdorur shërbimet e Stacionit të Autobusëve në Zarë, kanë raportuar vonesa deri në tre orë.
Në fund, Ambasada e Republikës sëKosovës në Zagreb u rekomandon të gjithë udhëtarëve dhe transportuesve që gjatë planifikimit të udhëtimeve të marrin parasysh situatën aktuale në rrugë dhe pikat kufitare, për të shmangur pritjet e gjata dhe vështirësitë në qarkullim.

T� tjera
-
“Telekomi zyrë punësimi për familjarët e pushtetit”, Krasniqi akuzon pushtetin për nepotizëm
Rrezarta Krasniqi ka ngritur akuza për punësime dhe përfitime të familjarëve ...
-
Bajrami – Kurtit: Qe gjashtë vjet në pushtet, ka mbetë tu folë për të kalumen
Pas përplasjes në Kuvend mes kryeministrit Albin Kurti dhe deputetes së LDK-s...
-
Shiroka Pula në Forumin Ndërkombëtar të Strategjisë 2026: Të rinjtë e Kosovës janë të angazhuar në teknologji dhe informacion, njohin disa gjuhë të huaja
Presidentja e Republikës së Kosovës, Justina Shiroka Pula, takoi delegacionin...
-
Kurti e pranon se qytetarët po largohen nga vendi, gjendjen në arsim dhe drejtësinë i rendit si arsye kryesore
Kryeministri i Kosovës, Albin Kurti, ka folur në Kuvendin e Kosovës për migri...
-
Komandanti i Forcave Tokësore të FSK-së zhvillon takim me homologun nga Shqipëria
Komandanti i Forcës Tokësore të Forcës së Sigurisë së Kosovës, Gjeneral Briga...
-
Iu ndal fjala në Kuvend – Rrahmani i përgjigjet Kurtit
Deputeti i Partisë Demokratike të Kosovës, Eman Rrahmani, në emisionin “DPT t...
-
Hamza për buxhetin: Nuk garanton as mirëmbajtjen
Deputeti i Partisë Demokratike të Kosovës, Bedri Hamza, ka kritikuar projektb...
-
“Ku janë 100 mijë vendet e punës?”, Bajrami akuzon Qeverinë për propagandë – publikon shifrat e Trustit
Deputetja e Lidhjes Demokratike të Kosovës (LDK), Hykmete Bajrami, ka kritiku...
-
Ambasada e Zvicrës: Marrëveshja me EFTA-n sjell mundësi të reja për bizneset kosovare
Ambasada e Zvicrës në Kosovë ka thënë se Marrëveshja e Tregtisë së Lirë mes E...
-
Buxheti i vitit të ardhshëm, Murati: Fokusi te mbështetja e kategorive jashtë tregut të punës
Ministri i Financave, Hekuran Murati, ka folur për projektbuxhetin e vitit të...
-
Kosova me nismë të re për ndryshimin e Ligjit për Specialen, pas kritikave nga ndërkombëtarët
Kosova do të ndërmarrë një nismë të re për ta ndryshuar Ligjin për Dhomat e S...
-
“Disiplinohu pak ministër”, Hoti i reagon Muratit gjatë debatit për buxhetin
Deputeti i LDK-së, Avdullah Hoti, ka kritikuar projektbuxhetin, duke thënë se...

































