Sport

Josa iu frikësua këtij fakti nga dueli me Drenicën

Autori: Gazeta inFokus 16:54 | 03 November 2018

Prishtina e ka shënuar fitoren e 9-të në kampionatin e sivjetmë, pasi sot në “Bajram Aliu” e mposhti Drenicën me rezultat 1:0, me golin e shënuar nga Khalid në çastet e fundit.

Trajneri i skuadrës kryeqytetase, Mirel Josa, ka thënë se ndeshja ishte ashtu siç edhe e ka parashikuar. “E dinim se do të jetë një ndeshje e vështirë, duke marrë parasysh edhe historinë e dy skuadrave. Drenica në edicionin e kaluar i ka marrë 8 pikë në ndeshjet ndaj nesh, prandaj e kishim të qartë se duhet të jemi shumë të kujdesshëm”, ka thënë Josa për Super Sport Kosova.

“Nuk jam i kënaqur me pjesën e parë, sepse ishim shumë të ngadalshëm dhe duhej të tregohemi më të vendosur. Sot nuk na favorizoi as fusha, megjithëse kemi pritur të jetë edhe më keq. Në pjesën e dytë këmbëngulëm më shumë dhe e shënuam golin e fitores”, ka shtuar tekniku bardhekaltër, skuadra e të cilit të mërkurën luan në Drenas me Feronikelin, në ndeshjen e mbetur.

-Advertisement-

“Feronikeli është skuadër shumë e kompletuar dhe këtë e ka treguar gjatë gjithë kampionatit. Duhet të jemi të përgatitur si në aspektin fizik, ashtu edhe në atë mental, por gjithsesi ne do ta marrim këtë sfidë vetëm si një ndeshje të radhës”, ka theksuar Josa.

Prishtina vazhdon ta ndjekë Feronikelin në renditje.

Subscribe në YouTube: GAZETA INFOKUSI