Lajme

Jakup Gashi ngre dyshime për tenderin e testimit të derivateve: A po vendoset një standard i ri?

Autori: Gazeta inFokus 16:35 | 10 July 2026

Eksperti i tregut të naftës, Jakup Gashi, ka ngritur shqetësime lidhur me kriteret dhe zbatimin e një procedure tenderuese për shërbimet laboratorike, duke kërkuar sqarime zyrtare për mënyrën e përzgjedhjes së operatorit ekonomik.

Sipas Gashit, operatorit ekonomik i kërkohet të dëshmojë se disponon certifikatat ISO 9001 dhe EN ISO 1725 ndërsa parashikon edhe kryerjen e analizave për vajra, vajra industrialë, naftë dhe mazut.

Megjithatë, ai thekson se laboratori i kontraktuar rezulton i akredituar për testimin e ujërave, mostrave të tokës dhe sedimenteve, mbetjeve të ngurta, ajrit në mjedise të hapura dhe të mbyllura, zhurmës në mjedis, shkarkimeve nga burimet pikësore (oxhaqet), verës dhe kategorive të tjera, por jo për analizat e derivateve të naftës.

-Advertisement-

Në reagimin e tij, Gashi shtron pyetjen se mbi cilat standarde dhe metodologji është përzgjedhur operatori për të kryer testimin e vajrave, naftës dhe mazutit, kur këto analiza nuk figurojnë në fushëveprimin e akreditimit të laboratorit.

Ai vlerëson se testimi i këtyre produkteve kërkon kompetencë të specializuar teknike dhe procedura të veçanta analitike, ndaj kërkon transparencë nga autoritetet përgjegjëse.

Sipas Gashit, ky rast ngre nevojën për një sqarim zyrtar mbi metodologjinë e vlerësimit të ofertave, në mënyrë që të garantohet se testimi i derivateve të naftës kryhet vetëm nga laboratorë që posedojnë akreditimin dhe kompetencën teknike përkatëse, në përputhje me standardet ndërkombëtare.

Teknologjia në kuzhinë nuk është vetëm çështje komoditeti, por edhe kohe: Njihuni me pllakën inovative me induksion Miele KM 8000!
-Advertisement-

T� tjera

Ky website përdor cookies. Duke vazhduar përdorimin, ju pranoni përdorimin e tyre.

Privacy policy