Ekonomi

Investitori turk i qon në prokurori kosovarët që deshën t’ia marrin biznesin (Dokument)

Autori: Gazeta inFokus 12:16 | 18 November 2018

Qërimin e hesapeve me bashkëpunëtorët e tij kosovare pronari Senol Ata ka vendosur ta bëjë në rrugë ligjore.

Kompania e njohur e ndërtimeve të larta “Konak” tashme ka ngritur kallëzim penal në Prokurorinë Themelore të Prishtinës kundrejt shtatë personave.

Investitori turk pretendon se këta kanë bërë një numër të madh veprash të kundërligjshme, duke i shkaktuar kompanisë dëme të konsiderueshme.

Ne kallëzimin penal të siguruar nga Gazeta inFokus janë numëruar disa vepra penale, ndër të cilat edhe një sulm fizik dhe kërcenim ndaj bashkëpunëtorëve të biznesmenit turk  Senol Ata. Gjithashtu kallëzimi penal ka të bëjë edhe me dëme materiale e kontrata të pa autorizuara të inicuara nga vet bashkëpunëtorët e investitorit turk.

Ne arsyetimin e kallëzimit penal siguruar nga infokus thuhet se veprimet e këtyre personave te cilat janë bërë me paramendim i kane shkaktuar dëme të mëdha kompanisë “Konak” shpk.

Investitori turk pretendon se bashkëpunëtorët e tij kanë shkëputur edhe bashkëpunimet me nënkontraktorët me qëllim të dëmtimit të kompanisë.

Infokus për telashet e investitorit turk ka raportuar edhe dit më parë.

Në një intervistë për inFokus pronari i kompanisë turke Senol Ata ka deklaruar se qëllimi i këtij grupi brenda kompanisë  përgatitja e skenarit për ta detyruar atë që ta largohet nga Kosova dhe investimet e tij të mbesin në pronësi të disa individëve.

Linku i intervistës me Senol Ata

Të tjera