Insistimi i FMN-së për veteranët
Autori: Gazeta inFokus 13:28 | 26 April 2017
Kërkesa e fundit e Fondit Monetar Ndërkombëtar drejtuar Qeverisë se Kosovës për riklasifikimin e veteranëve të luftës se UÇK-së, e ka vënë në pozitë të palakmueshme Qeverinë e Kosovës.
Brenda një muaji Qeveria duhet t’iu bëjë zgjidhje mbi 45 mijë veteranëve.
Së pari duhet t’i klasifikoj nëpër kategori dhe përmes kësaj të verifikohet pastaj se a ka veteranë që nuk e meritojnë të jenë në lista.
Por kësaj kërkese të FMN-së në fakt i paraprinë një raport i kësaj organizate për Kosovën i publikuar në fillim të këtij viti, ku sqarohen në detaje planet për kategoritë e luftës.
Në këtë raport, zyrtarët e FMN-së druajnë se me gjithë këtë numër të veteranëve dhe me skemat tjera sociale për kategoritë e luftës, Kosovën e presin “ditë të vështira”.
Për zyrtarët e FMN-së, numri prej 46 mijë veteranëve, sa i përzgjodhi Komisioni qeveritar i caktuar për këtë punë, është përgjysmë më shumë sesa ata kishin pritur, shkruan Gazeta Fjala.
“Në vitin 2016, Komisioni për certifikimin e veteranëve të luftës, certifikoi diku 46 mijë veteranë, përgjysmë më shumë se sa ishte pritur”, thotë FMN.
Nëse nuk bëhen reforma të thella edhe për këtë kategori, zyrtarët e FMN-së paralajmërojnë “ditë të vështira” për Qeverinë e Kosovës.
“Në mungesë të reformave, shpenzimet në skemën sociale që ka të bëjë me luftën, për të gjitha kategoritë, mund ta tejkalojë 2 për qind të GDP-së çdo vit, dhe kjo për dekada me radhë”. Sipas raportit të FMN-së, kjo do të pamundësonte që shpenzimet nga buxheti të kryheshin në fusha tjera, duke e vënë në rrezik kështu qeverisjen fiskale.
Ndryshe FMN, dje, përmes një njoftimi për media, i ka dhënë ultimatum Qeverisë Kosovës që deri në fund të muajit maj ti rishikoj listat e veteranëve. Ruud Vermeulen, Drejtor i Zyrës së FMN-së në Kosovë, ka thënë se në Ëashington kanë rënë dakord që të merren masa brenda periudhës së paraparë kohore meqë programi do të përfundojë vetëm pas pak muajsh.
Veteranët: Ne jemi marr vesh me Qeverinë
Me gjithë kërkesat e FMN-së për reforma dhe shkurtim eventual të numrit të veteranëve përmes një procesi të verifikimit, përfaqësuesit e veteranëve nuk duken të jenë edhe aq të shqetësuar.
Ata thonë se nuk e shohin problematike kërkesën e FMN-së pasi kanë marrëveshje me Qeverinë për këto reforma.
Për me tepër, Hysni Gucati, Kryetari i Veteranëve të UÇK-së, ka thënë se kanë marrëveshje me Qeverinë e Kosovës për t’u kryer kategorizimi i veteranëve në tri kategori, siç parashihet me ligj.
Sipas tij, edhe kërkesa e FMN-së ka qenë që të kryhet sa më shpejt kategorizimi i veteranëve ka mohuar që ky ultimatum të shkojë përtej asaj se çka janë marr vesh edhe me Qeverinë e Kosovës.
“Sa i përket rishikimit të listave me atë çështje duhet të merret prokuroria. Njoftimi i FMN-së ka të bëjë me klasifikimin e listave në kategoritë e parapara me ligj”, ka thënë Gucati.
Kërkesat tjera të FMN-së për kategoritë e luftës
Një reformë tjetër që po insiston FMN-ja është nivelizimi i pensioneve tek kategoritë e luftës. Sikur dikush që ka mbetur invalid nga puna në ndërtimtari, sikur dikush që ka humbur gjymtyrët në luftë, do të marrin pension të njëjtë.
Kështu është zotuar Qeveria e Kosovës para Fondit Monetar Ndërkombëtar, që këtë reformë në skemën pensionale ta bëjë deri me 1 maj të këtij viti.
Në raportin e fundit të FMN-së thuhet se institucionet e Kosovës uljen e pensioneve të invaliditetit për ish-ushtarët e UÇK-së, po e shohin si mundësi që ta mbajnë në balancë buxhetin e shtetit, shkruan Gazeta Fjala.
Tani për tani, mesatarja e pensionit për invalidët e luftës, që janë 4 mijë gjithsej, është 300 euro. Por me propozimet e reja kjo mund të përgjysmohet.
“Pensionet e invalidëve të luftës (mesatarja 300 euro për muaj) janë konsiderueshëm më të mëdha sesa pensionet për personat me aftësi të kufizuara”, thuhet në raportin e FMN-së.
Sipas këtij raporti, në tërësi shpenzimet për skemën social të luftës mund të arrijë deri në 2 për qind, çdo vit, të GDP-së.
Kjo për zyrtarët e FMN-së po del të jetë e papranueshme.
“Kështu në mënyrë që këto shpenzime t’i sjellim në një stad të qëndrueshme autoritetet duhet të bëjnë reforma tek pensionet për invalidët e luftës dhe tek pensionet e veteranëve të luftës”, konstaton FMN.
Krejt kjo reformë sipas FMN-së do të ndihmonte që të uleshin përgjysmë shpenzimet për invalidët e luftës, krahasuar me shpenzimet aktuale për këtë kategori. /Gazeta Fjala
Të tjera
-
Osmani: Kosova storie suksesi e mbështetjes së SHBA-së, Serbia po punon kundrejt gjithçkaje
Presidentja e Kosovës, Vjosa Osmani, thotë se pati një diskutim përmbajtësor ...
-
Me tupana dhe flamuj, VLEN festë të madhe edhe në Tetovë
Me tupana dhe flamuj, VLEN feston edhe në Tetovë rezultatin zgjedhor për zgj...
-
Këto janë rezultatet nga numërimi i më shumë se gjysmës së votave në zgjedhjet kuvendare në Maqedoninë e Veriut
Komisioni Shtetëror i Zgjedhjeve ka filluar me publikimin e rezultateve të pa...
-
Zyra e BE-së në Kosovë shpall “Evropianin e vitit”
Zyra e Bashkimit Evropian në Kosovë për vitin e nëntë radhazi ka ndarë çmimin...
-
Presidencialet në RMV: Siljanovska Davkova po prin ndaj Pendarovskit
Kandidatja për presidente në Republikën e Maqedonisë së Veriut, Gordana Silja...
-
BDI shpall fitoren në Tetovë
Sot në Maqedoninë e Veriut, janë mbajtur dy procese zgjedhore. Është zhvil...
-
Holtgen: Kosova nuk është në rendin e ditës së Këshillit të Ministrave të KiE
“Çështja e Kosovës nuk është në agjendën e Këshillit të Ministrave javën e ar...
-
KSHZ: Zgjedhjet ishin korrekte, rezultatet e para do të shpallen para mesnate
Komisionit Shtetëror të Zgjedhjeve në konferencën e fundit për media ka njoft...
-
Katër të lënduar në një aksident mes një veture dhe një autobusi në rrugën Fushë Kosovë-Prishtinë
Katër persona janë lënduar në një aksident trafiku të ndodhur mes një veture ...
-
Asociacioni – pritë në rrugën e Kosovës drejt KiE-së
Për t’i mbështetur përpjekjet e Kosovës për anëtarësim në Këshillin e Evropës...
-
Kërkohet paraburgim për personin që dyshohet se ka laborator dro*ge në Leposaviq
Është kërkuar caktimi i masës së paraburgimit për të dyshuarin M.I, i cili dy...
-
Mbyllen vendvotimet për zgjedhjet presidenciale dhe parlamentare në Maqedoni të Veriut
Në Maqedoni të Veriut është mbyllur procesi i votimit për zgjedhjet presidenc...