Hoti i bindur në fitore: Qytetarët nuk do ta ndërrojnë demokracinë me totalitarizmin e shamive të kuqe

Autori: Gazeta inFokus
16:52 | 10 February 2021
Kandidati për kryeministër Avdullah Hoti, mori të mërkurën mbështetjen e qytetarëve të Gjilanit për të siguruar fitoren e Lidhjes Demokratike të Kosovës (LDK) në zgjedhjet e 14 shkurtit.
“Në vend se të flasim më shumë me qytetarët për programin qeverisës 4 vjeçar, po duhet t’u shpjegojmë qytetarëve të Kosovës për rrezikun që po i kanoset Kosovës nga oponentët politik me shami të kuqe, sepse ata po na i kërcënojnë parimet demokratike mbi të cilat është ndërtuar shteti i Kosovës. Ne nuk do t’i lejojmë ata që përfaqësojnë mendësinë totalitare të Mao Zedong të na largojnë nga parimet demokratike euro-atlantike dhe nga aleanca jonë strategjike perëndimore”, tha kryeministri Hoti.
Hoti u shpreh i bindur se qytetarët e Kosovës nuk do t’i mbështesin ata që dogjën policë, institucione dhe ishin gjithmonë në rrugë duke e kundërshtuar shtetin.
Sipas Hotit, më 14 shkurt do të triumfojë demokracia dhe fitorja e LDK-së, sipas tij, është lajmi më I mirë për qytetarët e Kosovës dhe miqtë evropianë e amerikanë të Kosovës.
“Ne kemi për obligim që të sigurohemi që shtetin e pavarur i Kosovës ta dërgojmë atje ku e ka vendin, në Bashkimin Evropian dhe NATO. Ky rrugëtim ka filluar dhe Marrëveshja e Washingtonit është një ndër arritjet në këtë drejtim”, tha Hoti.
Kryeministri Hoti ka falënderuar kryetarin e Gjilanit Kutfi Haziri për punën e mirp që e ka bërë në Gjilan, duke theksuar se mbështetja e madhe e qytetarëve të Gjilanit për të dhe krejt banorëve të Anamoravës për LDK-në është dëshmi e angazhimit 31 vjeçar të LDK-së për të mirën e Kosovës.
Duke shpalosur pjesë nga programi i LDK-së, si parti e qendrës së djathtë, Hoti theksoi se LDK mbështetet në vlerat demokratike dhe ofron mundësi për realizimin e vizionit për Kosovën shtet i pavarur dhe demokratik, shtet i zhvilluar dhe i integruar në strukturat euro-atlantike, duke vazhduar fuqizimin e marrëdhënieve me partnerët strategjikë ndërkombëtar – BE-në dhe SHBA-të.
“Në programin e Lidhjes Demokratike për mandatin e ardhshëm katërvjeçar, vend me rëndësi ka zënë zhvillimi ekonomik dhe punësimi. Zhvillimi ekonomik do të mbështetet në sektorin privat, i cili është bazë për zhvillim të qëndrueshëm ekonomik. Do të punohet në krijimin e kushteve për punësim të qëndrueshëm dhe dinjitoz, duke promovuar konkurrencën e lirë, me rol të kufizuar të shtetit në ekonomi, kryesisht si lehtësues e rregullator i zhvillimit ekonomik, bazuar në prioritetet nacionale zhvillimore, me kujdes të veçantë ndaj mjedisit, për ta ruajtuar atë edhe për brezat e ardhshëm”, tha Hoti.
Ai tha se Kosova e ka të domosdoshme përgatitjen e një orientimi të qartë strategjik afatgjatë të zhvillimit, ku vendosen prioritetet zhvillimore dhe kornizat e politikave ekonomike, fiskale e buxhetore dhe të borxhit publik, që tejkalojnë një mandat qeverisës.
Nga Gjilani, kryeministri Hoti u premtoi shqiptarëve të Luginës se kujdesi i LDK-së për ta do të jetë i vazhdueshëm.
“I kanë pritur nëpër zyra dhe ju kanë dhënë fjalë të mëdha. Asgjë konkrete nuk është bërë për banorët shqiptarë të Luginës së Preshevës. Për herë të parë kam krijuar në Kryeministri, Zyrën për Luginën e Preshevës, e cila në mënyrë institucionale do të kujdeset për banorët e kësaj ane.Kjo zyre ka linjë të veçantë buxhetore për blerjen e librave për nxënësit e Luginës, për financimin e aktiviteteve kulturore dhe nevoja tjera”, the Hoti.
Ai u zotua se gjatë qeverisjes së tij do të bëhet edhe rregullimi i statusit dhe dokumentacioni i shqiptarëve të Luginës që jetojnë në Kosovë.
“Edhe në aspektin infrastrukturor kemi investuar për ta lidhur Gjilanin dhe Luginën me Prishtinën. Rruga Nacionale Prishtinë-Gjilan-Konçul, ka qenë prioritet i qeverisë sime”, tha Hoti.
Kryeministri Hoti u premtoi banorëve të Gjilanit se me të kryeministër, në këtë komunë do të realizohen projektet si ndërtimi i rrugëve në fshatrat e Gjilanit, ndërtimi i impianteve për trajtimin e ujerave te zeza, vazhdimi i zgjerimit të rrugës Gjilan – Bujanovc (nga rreth rrotullimi I fabrikës se baterive deri të kyçja e autostradës), ndërtimi i rrugëve ne qytetin e Gjilanit, renovimi i Stadiumit te Qytetit ne Gjilan, ndërtimi i kampusit te Universitetit Kadri Zeka etj.

Të tjera
-
Moti nesër dhe ditëve në vazhdim
Nesër në Kosovë pritet të mbajë mot mjaft i ftohtë dimëror, me vranësira e in...
-
Rezultatet më të fundit të kandidatëve të PDK’së kush është në top 20 dhe sa vota ka marrë secili
Po vazhdon numërimi i votave të kandidatëve për deputetë të Kuvendit të Kosov...
-
Publikohet lista, kandidatët më të votuar të LDK’së nga 60% e vendvotimeve të numëruara
Derisa procesi i numërimit të votave po vazhdon, është publikuar edhe lis...
-
“Të mos biem në grackën e rusëve”, Kallas flet me Sekretarin Rubio pas bisedimeve ShBA-Rusi për Ukrainën
Kryediplomatja e Bashkimit Evropian, Kaja Kallas, ka njoftuar se ka zhvil...
-
Pengimi i numërimit të votave, Krasniqi: Nuk e kemi një sistem të mbrojtjes kibernetike
Eksperti i anti-terrorizmit, Kolë Krasniqi, tha se Kosova nuk e ka një sistem...
-
Vatikani: Papa po vuan nga pneumonia e dyfishtë
Papa Françesku, që është shtruar në spital javën e kaluar, po vuan nga pn...
-
Sorensen takon Bajramin – Ambasadori flet për normalizim me Serbinë me njohjen në qendër, Emisari përmend veç normalizimin
Emisari i Bashkimit Evropian për dialogun Kosovë-Serbi, Peter Sorensen, është...
-
Përfundimtare: Qe lista e plotë e votave të kandidatëve të PDK-së në Skenderaj, kush (s’)u votua?
Ka përfunduar numërimi i votave të kandidatëve për deputetë në Komunën e Sken...
-
Rreth 80% të votave të numëruara, këta janë kandidatët e PDK-së që kanë siguruar ulëse në Kuvend
Pas numërimit të rreth 80 përqind të votave, PDK ka përditësuar listën me ren...
-
Prishtinë, arrestohet i dyshuari për 7 raste të grabitjeve dhe tentim grabitjeve të armatosura
Sot nga Hetuesit policor të Kryeqytetit është arrestuar një person i dyshuar...
-
Takimi SHBA-Rusi, BE-ja reagon pas përjashtimit: Jo negociata pa ne dhe Ukrainën!
Ligjvënësit e Bashkimit Evropian kërkuan që Evropa “të dyfishojë përpjekjet” ...
-
Presidenti i Finlandës uron Pavarësinë, thekson rëndësinë e bashkëpunimit në çështjet aktuale të politikës së jashtme
Presidentja e Republikës së Kosovës, Vjosa Osmani, ka pranuar një urim nga Pr...