Fun & Video

Historia e çuditshme e peshkaqenit të Groenlandës, vertebrori më jetëgjatë i planetit

Autori: Gazeta inFokus 12:39 | 21 August 2020

I ngadaltë e i shëmtuar, me një gojë të futur që nuk e zbut aspak pamjen e tij të pafat dhe parazitët që shpeshherë i mbushin syrin, peshkaqeni i Groenlandës, dikur shumë i kërkuar për vajin e mëlçisë së tij, sot është një specie të cilën peshkatarët kërkojnë ta shmangin.

E megjithatë, ai rrethohet nga një magnetizëm i pamohueshëm. Është ndër peshkaqenët më të mëdhenj grabitqarë të globit, që shkon deri në 5,5 metra gjatësi, dhe një ndër më të vështirët për t`u kapur. Por më e rëndësishmja, është jetëgjatësia e tij: peshkaqenë të tillë mund të jetojnë deri në 512 vjet.

Këtë përfundim, shkencëtarët e nxorën duke analizuar ADN-në e një peshkaqeni të tillë të gjallë, të nxjerrë nga thellësitë e ujërave të akullta pranë Groenlandës, por teorikisht, mendohet se më të mëdhenjtë e këtij lloji mund të jenë edhe 6 shekuj të vjetër.

-Advertisement-

Kjo i bën këta lloj peshkaqenësh vertebrorët më jetëgjatë të planetit. Fokat janë menyja kryesore e peshkaqenëve te tille, megjithatë nuk mungojnë rastet kur ushqehen edhe me mbetjet e kafshëve të tjera detare të ngordhura.

Subscribe në YouTube: GAZETA INFOKUSI
Etiketa:
Shkolla Finlandeze lanson programin IMPACT: Tani edhe në gjuhën shqipe, me çmim të përballueshëm
-Advertisement-

Të tjera

Fokusi

fun-video