Lajme

Haxhiu: Kemi planin B nëse opozita nuk e voton vetingun

Autori: Gazeta inFokus 22:42 | 19 June 2022

Ministrja e Drejtësisë në Kosovë, Albulena Haxhiu, ka thënë se qeveria ka Planin B nëse dështon votimi i vetingut në Kuvend.

Haxhiu ka cekur gjithsesi se qeveria do të tentojë të arrijë marrëveshje me opozitën për këtë çështje. Ajo këto i ka shkruajtur në një bashkëbisedim me qytetarë në rrjetin social Instagram.

“Ne synojmë ndryshimet kushtetuese dhe jemi të gatshëm të bashkëpunojmë me secilin subjekt politik pra edhe partitë opozitare”, shkroi ajo.

-Advertisement-

“Sigurisht që e kemi edhe planin B me ndryshime ligjore”, shtoi Haxhiu.

Haxhiu po ashtu bëri të ditur se vetingu do të prekë edhe nivelet e larta të Policisë së Kosovë, përpos atyre të gjyqësorit.

“Do të ketë veting për sistemin e drejtësisë dhe për nivelet e larta të policisë. Ministra e Punëve të Brendshme ka themeluar grupin punues për këtë”, përfundoi ajo.