Lajme

Haradinaj prezanton kandidatët për deputetë nga Lipjani: Bashkë do ta ndërtojmë një Kosovë që fiton në çdo fushë

Autori: Gazeta inFokus 20:00 | 04 December 2024

Kandidati për kryeministër i koalicionit AAK, Nisma, Lista Konservatore dhe Forumi Intelektual E-30, Ramush Haradinaj, ka prezantuar kandidatët për deputetë të Kuvendit të Kosovës nga Lipjani.

Haradinaj ka thënë se Kosova Fituese nuk është thjesht një premtim – është realitet që po vjen.

“Sot në Lipjan – Bashkë do ta bëjmë Kosovën Fituese. Në çdo shtrëngim dore, në çdo bisedë me qytetarët e Lipjanit, ndjeva forcën dhe vendosmërinë për Kosovën Fituese. Me kandidatët tanë të shkëlqyer, Ilir Tasholli dhe Albana Gërxhaliu, jemi të gatshëm të sjellim ndryshimin e vërtetë që Lipjani dhe mbarë Kosova ka nevojë. Kosova Fituese nuk është thjesht një premtim – është realitet që po vjen. Me përvojën time në udhëheqje dhe me energjinë e kandidatëve tanë, do të ndërtojmë një Kosovë që fiton në çdo fushë. Nga anëtarësimi direkt në NATO përmes Planit Aksional e deri te reforma në shëndetësi, nga arsimi cilësor e deri te pavarësia energjetike – çdo premtim është i matur dhe i realizueshëml”, ka thënë Haradinaj.

-Advertisement-

Haradinaj ka shtuar se ndryshe nga qeveria aktuale që ka 12 miliardë në dispozicion por asnjë projekt të realizuar, ne do të veprojmë me vendosmëri për zhvillimin e vendit tonë.

“Plani ynë është konkret dhe i realizueshëm: rritja e pagës minimale në 500 euro dhe asaj mesatare në 1000 euro, barazimi i pensioneve me pagën minimale, ulja e TVSH-së për produktet bazë, dhe trefishimi i financimit për bujqësi. Ndryshe nga qeveria aktuale që ka 12 miliardë në dispozicion por asnjë projekt të realizuar, ne do të veprojmë me vendosmëri për zhvillimin e vendit tonë”, është shprehur Haradinaj.

 

Subscribe në YouTube: GAZETA INFOKUSI
E treta e verteta, shpallet fituesi I trete I Lojes Shperblyese se Artmotion?
-Advertisement-

Të tjera

Fokusi

lajme