Hapje në Perëndim, mbyllje në Lindje
Autori: Gazeta inFokus 12:33 | 17 June 2017
Me heqjen e vizave për në BE, për shumë ukrainas u bë realitet një ëndërr. Pas hapjes në Perëndim, ka shenja për një mbyllje të mëtejshme në Lindje.
Që prej rreth një jave, ukrainasit kanë të drejtë të qarkullojnë pa viza në Bashkimin Evropian. Kushti më i rëndësishëm: një pasaportë biometrike, në të cilën janë të ruajtuara në mënyrë digjitale të dhëna personale si gjurmët e gishtave. Që prej hyrjes në fuqi të marrëveshjes me BE, në 11 qershor, në BE kanë hyrë gjithsej 315.000 qytetarë të këtij shteti evropianolindor. Këtë e bëri të ditur të premten, në 16 qershor, autoriteti ukrainas i mbrojtjes së kufirit në Kiev. Prej tyre, 8690 vetë kanë hyrë pa viza dhe kanë përfituar nga rregulli i ri.
Një ëndërr bëhet realitet
Për Olenan nga Kievi, për shumë bashkatdhetarë është bërë realitet një ëndërr. Ajo ishte një nga ukrainaset e para që lejohet të hyjë që prej 11 qershorit pa vizë në BE. “Kam pritur tepër gjatë, 10-15 vjet, për këtë”, i tha e reja DW pasi mbërriti në aeroportin e Këln/Bon-it. “Gjithçka eci pa probleme, në anglisht vetëm thashë se ku doja të shkoja”, tregoi Serhij për kontrollin e pasaportave në aeroport. Punonjës të konsullatës ukrainase ngritën grupe të veçanta për të ndihmuar në zgjidhjen e rasteve të mosmarrëveshjeve. Por shërbimet e tyre u nevojitën rrallë.
Gjithsej 16 ukrainasve iu refuzua deri tani hyrja në BE, bëri të ditur autoriteti i mbrojtjes së kufirit në Kiev. Shkrimtarja ukrainase Kateryna Babkina përshkruan në një artikull për DW atë që ndiejnë shumë ukrainas këto ditë. “Heqja e vizave me BE nuk na çliron nga kufijtë dhe vijat ndarëse”, shkruan Babkina. Biletat e fluturimit dhe hotelet vazhdojnë të jenë të shtrenjta, edhe gjuhët e huaja, shkruan ajo, nuk janë bërë më të thjeshta. “Por nuk ka nevojë më të dëshmosh se je ok”.
Objektivi numër një, për shumicën e ukrainasve, që udhëtojnë pa vizë, është Polonia, bëjnë të ditur forcat kufitare të Ukrainës. Por lehtësirat aktuale vlejnë vetëm për vizitorët. Ata ukrainas që punojnë ose studiojnë në BE kanë nevojë edhe më tej për vizë.
Diskutohet futja e vizave për rusët
Kur Presidenti ukrainas, Petro Poroshenko hapi më 11 qershor në kufirin e Ukrainës me Sllovakinë si një derë simbolike për në Evropë, ai e deklaroi të përfunduar lamtumirën e vendit të tij nga Rusia.
Kjo lamtumirë u përshpejtua pas aneksimit të Krimesë në vitin 2014. Me hapjen drejt Perëndimit, Ukraina javët e ardhshme do të fusë një detyrim për viza me Rusinë. Parlamenti i Ukrainës mund të merret me këtë temë që në fund të qershorit. Por disa politikanë në Kiev mendojnë se detyrimi për vizë me Rusinë do t’i kushtonte miliona Ukrainës dhe do të ishte shumë i shtrenjtë për këtë vend me probleme ekonomike. Të tjerë u shprehën që në Ukrainë të lejohen të hyjnë vetëm rusë me pasaporta biometrike. Ky rregull i ri duket më i mundshëm. Kjo në një kohë kur Ukraina është mbyllur gjithnjë e më tepër ndaj Rusisë që prej aneksimit të Krimesë nga Rusia, midis të tjerash me vendosjen e një gardhi në kufi dhe me ndërprerjen e qarkullimit ajror.
Të tjera
-
Mbesa e kosovarit të burgosur në Serbi: Nuk e dimë si është trajtuar
Ministria e Punëve të Jashtme dhe Diasporës e Kosovës, ka konfirmuar arrestim...
-
Beogradi i cakton 30 ditë paraburgim kosovarit të arrestuar para dy ditësh në kufi, MPJ thotë se i është keqësuar shëndeti
Ministria e Punëve të Jashtme dhe Diasporës e Kosovës, ka konfirmuar arrestim...
-
Lajçak: Mandati im si ndërmjetës deri më 31 gusht – me lidershipin e ri të BE’së nis një fazë e re e procesit
Miroslav Lajçak së shpejti do ta lë postin e emisarit special të BE’së për Ba...
-
Vetëaksident tek Llesna në Prishtinë (PAMJE)
Një vetëaksident trafiku ka ndodhur para pak minutave tek Llesna në Prishtinë...
-
Vrąsja e intelektualëve të Mitrovicës 25 vjet më parë, Kurti: Serbia ua mohon familjeve të drejtën për të ditur të vërtetën
Kryeministri i Kosovës, Albin Kurti ka kujtuar zhdukjen e intelektualëve të M...
-
Anulohet pjesëmarrja e Kurtit në tubimin e opozitës së Maqedonisë së Veriut sonte në Berlin, çfarë ndodhi?
Bekim Qoku Këshilltar i Jashtëm Politik të Kryeministrit Albin Kurti për marr...
-
Murati: Marrëveshjet e deritanishme janë marrë vetëm me serbët e Kosovës
Kryetari i Lëvizjes për Bashkim, Valon Murati, ka thënë se deri më tani, marr...
-
Ky është rreshteri i NJRSH-së që u suspendua nga IPK-ja, dyshohet se e rrahu keq një qytetar
Sedat Ramdani, rreshter në Njësinë e Reagimit të Shpejtë në rajonin e Prizren...
-
17 vjeçari e th*rr me thíkë një person në Ferizaj, arrestohet brenda dy orëve
Sot në ora 17:47 policia rajonale e Ferizajt pranoi një informatë se në udhëk...
-
Durmishi i përgjigjet Pal Lekajt: Pse po rren?
Zëvëndësministri i Infrastrukturës, Hysen Dumishi, i ka reaguar ish-ministrit...
-
Stano: Arrestimi i zyrtarëve policorë të Kosovës nga Serbia, shqetësues
Zëdhënësi i Bashkimit Evropian, Peter Stano, tha për Radion Evropa e Lirë të ...
-
Një muaj paraburgim për kosovarin e ndaluar në Serbi nën dyshime për kríme ĺufte, thonë familjarët
Një gjykatë serbe ia ka caktuar masën prej një muaji paraburgim të pr...