Lajme

Handikos mirëpret pagesat për paraplegjik dhe tetraplegjik

Autori: Gazeta inFokus 17:35 | 27 January 2018

Ministria e Punës dhe Mirëqenies Sociale ka proceduar pagesat e pensioneve për tri kategori përfituese të skemës pensionale, për paraplegjik dhe tetraplegjik, për pensionet familjare dhe ato invalidore të punës. Për herë të parë, kategoria e paraplegjikëve dhe tetraplegjikëve do të jenë përfitues te skemës pensionale që ndahet nga Ministria e Punës dhe Mirëqenies Sociale.

Një nga shqetësimet e para pas marrjes së detyrës të ministrit të Punës dhe Mirëqenies Sociale, Skender Reçica, ka qenë mos zbatimi i këtyre tri skemave, andaj është angazhuar maksimalisht për të ndërmarrë të gjitha veprimet e nevojshme që këto kategori ti gëzojnë të drejtat e tyre të përcaktuara me ligj.
Ndonëse, ka gati gashtë vite që kanë pritur për këtë ligj, procedimi i pagesave që është bërë tani është vlerësuar si një arritje e madhe për mirëqenien e këtyre grupeve.

Drejtori i Shoqatës së Handikos-it, Afrim Maliqi për Indeksonline, ka thënë se përmes këtyre pagesave do të mbulohen shërbimet e nevojshme, si dhe të paguajnë ndonjë kujdestar, apo përcjellës.

-Advertisement-

“E vlerësojmë si një arritje dhe ndikim shumë i mirë te mirëqenia e këtyre grupeve dhe familjeve në përgjithësi, meqenëse kjo mbështetje financiare apo ky ligj komplet nënkupton kompensimin e shërbimeve të domosdoshme në muaj për shkak se asnjë shërbim, këto grupe nuk marrin prej institucioneve shtetërore. Me këto pagesa tash edhe familjet lirohen sepse deri me sot këto grupe u deshtë me angazhu një deri në dy anëtar të familjes të atij personi paraplegjik ose tetraplegjik, njëkohësisht nuk kanë mundësi ata me pas angazhim tjetër, vetëm sa është varfëruar edhe ma tepër jeta e tyre”, ka thënë Maliqi.

Sipas tij, përfituesit e këtyre pagesave janë shprehur të kënaqur me ndarjen e mjeteve.

“Këta persona e kanë mirëprit pagesën, sepse po bëhet viti i gjashtë që ky ligj është iniciuar por vetëm tek tani kanë nisur pagesat për ta”, është deklaruar Maliqi për Indeksonline.

Për këto tri skema të reja, të dala nga Ligji për Skemat Pensionale të Financuara nga shteti, janë parashtruar kërkesat e para që nga muaji mars 2017, ndërsa nga muaji janar i të njëjtit vit ka filluar edhe implementimi i Ligjit për Statusin dhe të Drejtat e Personave Paraplegjik dhe Tetraplegjik.

Subscribe në YouTube: GAZETA INFOKUSI
Etiketa:
Lansohet aplikacioni më i ri i lojalitetit që sjell t’mira pafund Kartela Plus!
-Advertisement-

Të tjera

Fokusi

lajme