Lajme

Greva/ Në ora 15:00 mblidhet Këshilli Ekonomik Social

Autori: Gazeta inFokus 15:10 | 09 September 2022

Këshilli Ekonomik Social do të mblidhet në ora 15:00.Lajmin për Front Online e ka konfirmuar kryetari i BSPK-së, Atdhe Hykolli.

“Po do të mblidhet në ora 15:00”, ka thënë ai për Front Online.Ky takim do të mbahet në një përpjekje tjetër për të gjetur një zgjidhje rreth situatës së krijuar nga greva e përgjithshme në arsim e administratë, kryesuesi i Këshillit Ekonomik Social, Atdhe Hykolli ka ftuar të gjithë partnerët social në një mbledhje të përbashkët.

KES-i përbëhet prej pesëmbëdhjetë anëtarëve, të cilët në këtë organ përfaqësojnë interesat e organizatave të punësuarve, organizatave të punëdhënësve dhe Qeverisë.Ne mesin e pjesëmarrësve, në këtë mbledhje janë të ftuar të marrin pjesë 5 anëtarë nga Qeveria e Kosovës, ndër ta ministri i Financave dhe ajo e Arsimit.

-Advertisement-

Këshilli Ekonomik Social përbëhet nga pesë përfaqësues të cilët caktohen nga Organizatat e të punësuarve, pesë përfaqësues të cilët caktohen nga Organizatat e punëdhënësve dhe pesë përfaqësues të cilët caktohen nga Qeveria e Kosovës.Këshilli Ekonomiko-Social i themeluar me ligj ka qëllim të vendosjes dhe zhvillimit të dialogut social në Republikën e Kosovës për të punësuarit dhe punëdhënësit, për çështje të rëndësisë së veçantë, të cilat kanë të bëjnë me realizimin e të drejtave të tyre ekonomike, sociale dhe profesionale, që realizohen, përmes zgjidhjeve të kontesteve me marrëveshje dypalëshe apo trepalëshe.

Subscribe në YouTube: GAZETA INFOKUSI