Gjyqi në Hagë, çfarë shkruajnë mediat ndërkombëtare
Autori: Gazeta inFokus 12:02 | 03 April 2023
Gjykata Speciale ka nisur të hënën gjykimin ndaj ish-krerëve të Ushtrisë Çlirimtare të Kosovës. Ky proces po mbulohet edhe nga mediat ndërkombëtare.
“The Washington Post” ka raportuar për protestën e djeshme të mbajtur në Prishtinë ku u kërkua drejtësi për të akuzuarit që po gjykohen në Hagë.
“Duke mbushur sheshet kryesore të kryeqytetit të Prishtinës, demonstruesit mbanin fotografi të Hashim Thaçit, i cili dha dorëheqjen si president i Kosovës në vitin 2020 për t’u përballur me krime lufte dhe akuza të tjera, duke përfshirë vrasjen, torturën dhe persekutimin – akuza që ai i mohon”, shkruhet në raportin e “The Washington Post”.
Në vazhdën e raportimeve ndërkombëtare për “Marshin për Drejtësi” një raportim të tillë ka bërë edhe “abcNEWS”, duke shpalosur edhe përceptimin e opinionit publik në Kosovë mbi themelimin e Gjykatës Speciale dhe njëkohësisht parashikimet mbi një “histori të rishkruar” të mundshme.
“Rasti ka nxitur një valë mbështetjeje nga i gjithë spektri politik në Kosovë. Të dielën, mijëra njerëz dolën në rrugë për të treguar mbështetjen e tyre për të pandehurit. Shumë kosovarë e konsiderojnë gjykatën me bazë në Holandë një padrejtësi dhe e shohin atë si një përpjekje për të rishkruar historinë e luftës së tyre për pavarësi”, thuhet në artikullin e “abcNEWS”.
Këta të fundit, duke marrë parasysh pozitat e të akuzuarve, kanë nënvizuar edhe fjalinë “Askush mbi ligjin” të njërit prej prokurorëve në fjalën e tij gjatë seancës së sotme.
Në anën tjetër, France24, kanali ndërkombëtar i lajmeve shkroi se Thaçi dhe të tjerët, të gjithë ish-bashkëpunëtorë të ngushtë në Ushtrinë Çlirimtare të Kosovës dhe më vonë në politikë në kohë paqeje, rikonfirmuan pafajësinë e tyre menjëherë në fillim të seancës. Ndërkohë, artikulli përmban edhe një pjesë të kontekstit kohor ku njofton lexuesit mbi një nofkë të fituar nga presidenti i tanishëm i ShBA-ve, Joe Biden.
“Pasi la armët e tij, Thaçi iu bashkua politikës, duke bërë që zëvendëspresidenti i atëhershëm i SHBA Joe Biden ta përshëndeti dikur si “George Washington i Kosovës””, transmeton France24.
Interesim mbi këtë ngjarje të rëndësishme për historinë shqiptare, pati edhe “Aljazeera” me ç’rast bëri një sfond të historisë së gjykimeve që po mbahen në Hagë.
“Thaçi, i cili shërbeu si komandant i përgjithshëm i Ushtrisë Çlirimtare të Kosovës (UÇK) rebele shqiptare etnike dhe tre ish-krerë të tjerë të UÇK-së, Kadri Veseli, Rexhep Selimi dhe Jakup Krasniqi, akuzohen për krime kundër njerëzimit dhe krime lufte që ndodhën gjatë konflikti i armatosur i viteve 1998-1999 kundër forcave serbe”, shkruante ndër të tjera “Aljazeera.
Ndryshe, pas gati 2 vite e gjysmë, sot më 3 prill, në Dhomat e Specializuara të Kosovës u hap gjykimi kundër Hashim Thaçit, Kadri Veselit, Rexhep Selimit dhe Jakup Krasniqit, të cilët akuzohen për krime lufte në Kosovë.
Të tjera
-
Të shtëna me armë te lokali “Hamari” në Prishtinë, Policia gjen disa gëzhoja në vendngjarjermë te lokali “Hamari” në Prishtinë, Policia gjen disa gëzhoja në vendngjarje
Të shtëna me armë zjarri janë dëgjuar në orët e para të mëngjesit të sotëm te...
-
Ndriçimi smart në kryeqytet, LVV: Tenderi shkon në dëm të buxhetit të komunës
Kordinatori i Lëvizjes Vetëvendosje në Prishtinë, Arben Brovina, në një konfe...
-
Bie nataliteti në Kosovë, ASK dhe MPB me statistika të ndryshme për lindjet
Tkurret numri i shtimit të popullsisë në Kosovë vit pas viti. Në dekadat e fu...
-
Vetëvendosje në Prishtinë mban konferencë për media, ka disa akuza për Ramën
Arben Brovina, koordinator i nën komiteteve të lëvizjes Vetvendosje, qendra n...
-
Petkoviqi: Anëtarësimi i Kosovës në KiE operacion kundër Serbisë
Operacion kryesisht të drejtuar kundër Serbisë dhe popullit serb, e ka quajtu...
-
Sa ḁrmë pa leje kanë kosovarët?
Armët pa leje në duart e qytetarëve të Kosovës, paraqesin rrezik serioz, thon...
-
Arrestohet një i dyshuar për vra*je në tentativë në Ferizaj
Është arrestuar dje një person për vrasje në tentativë në Ferizaj që ka ndodh...
-
Shitet për një vlerë marramendëse, ora e njeriut më të pasur të Titanikut
Një orë xhepi prej ari, e gjetur në trupi e njeriut më të pasur në bordin e T...
-
Burri në Viti raporton se i është vjedhur kasaforta me para
Një burrë në Viti ka raportuar se persona të panjohur kanë vjedhur një kasafo...
-
U dërgua në gjendje të rëndë shëndetësore në QKUK, vdes shtetasja serbe
Të shtunën në Qendrën Klinike Universitare të Kosovës ka ndërruar jëtë një gr...
-
Iraku miraton ligjin kundër marrëdhënieve të së njëjtës gjini, deri në 15 vjet burg
Parlamenti i Irakut ka miratuar një ligj që dënon marrëdhëniet e të njëjtës g...
-
Tahiri: Kurti të jap shpjegim pse Serbia mbeti e pa ndëshkuar pas sulmit në Banjskë
Ish-kryenegociatorja e Kosovës në dialogun Kosovë-Serbi, Edita Tahiri ka kërk...