Lajme

Gjendje e jashtëzakonshme në arsim? Qehaja nuk e sheh të domosdoshme

Autori: Gazeta inFokus 15:39 | 22 May 2022

Ish-zëvendësministri i Arsimit, Xhavit Rexhaj ditë më parë ka thënë se në Kosovë duhet të shpallet gjendje e jashtëzakonshme në sektorin e arsimit.

Sipas tij, gjendja në arsim është më e vështirë se sa gjendja e të punësuarve në institucionet e arsimore.

Por një gjë të tillë nuk po e konsideron si të domosdoshme e aq më pak tash kur jemi në situatë me pandeminë, drejtuesi i Institutit EdGuard, Rinor Qehaja.

-Advertisement-

Qehaja në një prononcim për Telegrafin ka thënë se shpallja e gjendjes së jashtëzakonshme nuk sjell menaxhim më të mirë të saj.

“Shpallja e gjendjes së jashtëzakonshëm gjatë pandemisë nuk është që në sjell menaxhim më të mirë të saj, dhe lëre më për arsimin, është investimi në struktura të llogaridhënies dhe përgjegjësisë ai ndryshimi i vërtet që i nevojitet sistemit”, u shpreh Qehaja.

Ai theksoi se reformat në arsim kanë nevojë për një përkrahje të fuqishme politike dhe ndër partiake.

“Një konsensus nacional është i domosdoshëm që rrugëtimi për një arsim më cilësorë të mos jetë subjekt i inateve politike por përkushtim i të gjithëve për një arsim më të mirë. Neve kemi një plan të mirë strategjik për vitet në vijim – mjafton mirë zbatimi i të njëjtit dhe plot probleme në sektor do të gjenin zgjidhje”, tha Qehaja.

Ndryshe, të premten shkollat në Kosovë nuk kanë punuar, pasi punëtorët arsimorë kanë protestuar me kërkesë për miratimin e Ligjit të Pagave.

SBASHK-u thotë se ndien keqardhje për gjendjen e krijuar e cila është pasojë e mungesës së gatishmërisë së Qeverisë për dialog dhe për angazhim në zgjidhjen e kërkesave legjitime të punëtorëve në arsim, që nga çerdhet e deri në Universitete e kulturë, por edhe në sektorët tjetër.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy