Sport

Gabriel Jesus dhe Zinchenko tek Arsenali, Guardiola tregon a është penduar

Autori: Gazeta inFokus 14:40 | 26 January 2023

Manchester City shiti Gabriel Jesus dhe Oleksandr Zinchenkon tek Arsenali në merkaton e verës. Në arkat e kampionëve të Anglisë përfunduan rreth 88 milionë euro, por nga operacioni i dyfishtë më i fituar ka dalë klubi londinez.

Dy lojtarët po shkëlqejnë në skuadrën e Mikel Artetës, që po dominon Premier League dhe pas fazës së parë kryeson me 50 pikë. Pep Guardiola u ndal te dy ish-lojtarët e tij në prononcimin përpara duelit ndaj Arsenalit.

City do të sfidojë kryesuesit e kampionatit anglez në “Etihad” të premten e 27 janarit, sfidë e raundit të 1/16-ve në FA Cup që do të transmetohet në SuperSport. “A jam penduar pse i shita tek Arsenali? Pse, për shkak pse ata po fitojnë?

-Advertisement-

Unë kam një respekt të jashtëzakonshëm për Gabriel dhe Alex. Sigurisht që ne do të zbresim në fushë për t’i mposhtur ata. Ne ramë dakord për shitjen e tyre, pasi ata kishin vite te City dhe donin sfida të reja”, deklaroi trajneri spanjoll.

Subscribe në YouTube: GAZETA INFOKUSI
Etiketa:

Të tjera

Fokusi

sport