Lajme

Funksionalizimi i bordeve, peng i pazareve politike

Autori: Gazeta inFokus 06:50 | 12 March 2018

Mosfunksionimi i bordeve të ndërmarrjeve publike e agjencive të pavarura dhe tejkalimi i paligjshëm i afateve për plotësimin e bordeve, sipas përfaqësuesve të shoqërisë civile, lë të nënkuptohet se partnerët e koalicionit janë duke bërë pazare për këto pozita, shkruan sot “Koha Ditore”.

Edhe gjashtë muaj pasi ka marrë mandatin Qeveria Haradinaj nuk ka arritur që t’i funksionalizojë bordet e disa ndërmarrjeve publike dhe agjencive të pavarura. Pa bord funksional ka më shumë se një vit që po funksionojnë Telekomi i Kosovës, Zyra e Rregullatorit të Energjisë dhe “Trepça”.

Edhe Agjencia Kosovare e Privatizimit (AKP) ka disa muaj që ka bordin jofunksional. Një pjesë e fajit për moskompletimin e bordit të disa prej tyre është edhe Kuvendi i Kosovës, i cili është përgjegjës për emërimin e disa prej tyre. Ndërsa në Qeveri kanë thënë se janë në procedura të emërimit të anëtarëve të këtyre bordeve.

-Advertisement-

Dardan Abazi, nga Instituti për Politika Zhvillimore (INDEP), ka thënë për gazetën se si institut disa herë kanë insistuar që të mos tejkalohet afati ligjor për plotësimin e pozitave të anëtarëve të bordit.

Subscribe në YouTube: GAZETA INFOKUSI