Lajme

Ftesa e Haxhiut për përgatitjen e seancës konstituive, reagojnë PDK-ja dhe AAK-ja

Autori: Gazeta inFokus 17:27 | 28 July 2026

Kuvendi i Kosovës përmes një njoftimi pak më herët tha se të premten e kësaj jave ushtruesja e detyrës së presidentes, Albulena Haxhiu, do t’i takojë krerët e partive politike për përgatitjen e seancës konstituive.

Por, në këtë takim nga PDK dhe AAK s’do të shkojnë liderët e partive.

Nënkryetarja e PDK-së, Vlora Çitaku, konfirmoi se ajo do të marrë pjesë në këtë takim.

-Advertisement-

Po ashtu nga AAK kanë konfirmuar se partia do të përfaqësohet nga nënkryetari, Besnik Tahiri.

Takimi vjen një ditë pas Kuvendit të jashtëzakonshëm të LDK-së ku do të përcaktohet udhëheqësia e kësaj partie.

Gazeta provoi të kontaktojë edhe me këtë parti nëse marrin pjesë në këtë takim, por s’ishin të qasshëm.

“Të premten, më 31 korrik, mbahet mbledhja e përbashkët e kryetares së Kuvendit, Albulena Haxhiu, me kryetarët e subjekteve politike. Rendi i ditës: Përgatitjet për Seancën konstituive të Legjislaturës XI të Kuvendit të Republikës së Kosovës”, tha Kuvendi në njoftim.

Teknologjia në kuzhinë nuk është vetëm çështje komoditeti, por edhe kohe: Njihuni me pllakën inovative me induksion Miele KM 8000!
-Advertisement-

T� tjera

Ky website përdor cookies. Duke vazhduar përdorimin, ju pranoni përdorimin e tyre.

Privacy policy