Lajme

Fotografoi pa leje, arrestohet 20 vjeçari

Autori: Gazeta inFokus 15:19 | 15 August 2018

Policia e Kosovës të martën ka arrestuar një person pasi dyshohet për fotografime dhe incizime të pa autorizuara, shkruan gazeta inFokus

Në komunikatën e PK-së thuhet se Policia është njoftuar për një viktimë të abuzuar të trafikimit dhe menjëherë përmes planifikimeve operacionale dhe hetimore.

I arrestuari është K.A mashkull shqiptar i lindur në vitin 1998.

-Advertisement-

Më poshtë gjeni të plotë komunikatën e PK-së.

“Me datën 14 të këtij muaji, Policia e Kosovës përkatësisht Sektori Qendror i Hetimeve të Drejtorisë së Trafikimit me Qenie Njerëzore -DHTQNJ, në bashkëpunim me Sektorin e Hetimeve Kibernetike ka zhvilluar hetime intensive lidhur me rastin e identifikuar

“Fotografime dhe incizime të tjera të paautorizuara” në kundërshtim me ligjin Trafikim me Njerëz ,neni 171 i KPRK-së.

Policia e Kosovës është njoftuar për një viktimë të abuzuar të trafikimit dhe menjëherë përmes planifikimeve operacionale dhe hetimore, ka arritur ta identifikojë dhe ta arrestojë një person të dyshuar të përfshirë në këtë rast.

Personi i dyshuar tanimë i arrestuar është K. A. mashkull, kosovar shqiptar, (1998).

Ndërsa viktima e rastit është trajtuar në baze të procedurave standarde që parashihen për Viktimat e Trafikimit .

Njësitet policore në cilësi të provës materiale për këtë rast kanë konfiskuar përkohësisht një telefon, përderisa provat tjera të siguruara gjatë hetimit do t’i dërgohen prokurorit për procedim të mëtutjeshëm.

Lidhur me rastin hetimet janë zhvilluar në koordinim me Prokurorin Themelore në Prishtinë

Departamenti për të mitur, ku i dyshuari i lartëcekur me vendim të prokurorit është dërguar në qendrën e ndalimit për 48 orë.

Policia e Kosovës me njësitet e saja relevante në të gjitha rastet, duke përfshire ndaj rasteve të kësaj natyre, do ti ndërmarr veprimet e saja policore konform autorizimeve ligjore që ka.”/inFokus.

Subscribe në YouTube: GAZETA INFOKUSI