Lajme

Flet Talat Xhaferi: Ivanov përgjegjës për situatën e krijuar në Maqedoni

Autori: Gazeta inFokus 10:16 | 28 April 2017

Zgjedhja e kryeparlamentarit Talat Xhaferi nën krye të Kuvendit maqedonas, ngriti tensione të shumta në Maqedoni.

Rrahjet e skenat e gjakosura nuk munguan. Në një lidhje direkte për televizionin report Tv, Xhaferi tërë fajin për veprimet e djeshme ia hedhi Ivanovit.

I sapoemëruari në krye të detyrës, tha se Ivanov e ka për obligim ta dorëzoj mandatin. Derisa gjendjen për momentin e ka cilësuar si stabile, shkruan Indeksonline.

Xhaferi ka treguar se është në mbrojtje. Poashtu ka theksuar edhe mbështetjen e ndërkombëtarëve në këtë mes.

“Sipas informatave godina e Parlamentit është e shprazur. Situata rreth parlamentit është e qetë. Ti kthehemi normalitetit. Për momentin jam në mbrojtje të personalitetit që kam përcaktuar. Edhe pse me vonesë MPB ka arritur të siguroj evakimin e deputetëve edhe pse disa prej tyre kanë pësuar lëndime.  Edhe zoti Sela është stabil edhe pse i lënduar . Vënia e mandatit është obligim kushtetues dhe e obligon Ivanovin.  Përgjegjës për situatën e krijuar është Ivanov. Ivanov e ka për obligim ta jap mandatin. Ne duhet të vazhdojmë javën tjetër me punën në Parlament”, është shprehur në intervistën dhënë reporter.tv, Xhaferi transmeton Indeksonline.

Njëherit ai ka falënderuar shqiptarët që kanë qenë të durueshëm dhe nuk kanë rënë pre e provokimeve.

“ Mbështetja e ndërkombëtarëve është e theksuar. Angazhimi shqiptar ka qenë konform që iu kemi bërë thirrje shqiptarëve të mos bien pre e provokimeve, dhe rezultimi me veprim të duhur rezulton në atë që jemi në liri të duhur dhe për këtë arsye falenderojmë që kanë qenë të durueshëm kemi kurajo të vazhdojmë me punën ku na kanë deleguar qytetarët tanë. Pas ditës së djeshme nuk ka mundësi të transferohet në krizë ndëretnike, shqiptarët nuk bien pre e këtyre provokimeve”, ka shpjeguar ai.

Ndërkohë situata në Maqedoni cilësohet të jetë e qetë pas ditës së djeshme.

Ambasadori amerikan Hovenier vizitë në Devolli Corporation, lavdëron sukseset e Comoditas

Të tjera

Fokusi

lajme