Fabrika që do t’i punësonte 250 persona në Drenas, afër dështimit
Autori: Sylejman Sylejmani 16:00 | 15 November 2018
Projekti që pritej të punësonte rreth 250 qytetarë të Drenasit në një fabrikë për riciklimin e mbeturinave dhe prodhimin e energjisë së ripërtritshme ka gjasë të dështojë.
Kompania Global Centry Project përkundër nënshkrimit të memorandumit me komunën, akoma nuk ka filluar të ndërtojë asgjë në hapësirën që i është dhënë në shfrytëzim, shkruan gazeta inFokus.
Madje, kjo kompani përmes një email-i ka kërkuar afat shtesë nga komuna për fillimin e ndërtimit të fabrikës, pasi nuk po ka fonde të mjaftueshme.
Këtë gjë e ka konfirmuar për Gazetën inFokus, edhe zëdhënësi i Drenasit, Bekim Dobra, i cili tregon se vendi që i është përshtatur më së miri kësaj fabrike ka qenë fshati Dobroshevc, lokacion ku është nënshkruar memorandumi.
“Pastaj janë kryer edhe procedurat, sipas ligjit për nënshkrimin e memorandumit. Pasi janë kryer këto procedura, investitori përmes një email-i që na e ka dërgu javë më parë, ka kërkuar afat shtesë për fillimin e procedurave për ndërtimin e kësaj fabrike, për shkak të mungesës së fondit, pra nuk i ka fondet e mjaftueshme për të filluar ndërtimin e kësaj fabrike”, ka thënë ai.
Dobra nuk ka dhënë më shumë detaje për rastin, vetëm se ka theksuar se janë duke e pritur atë kompani.
Ndërtimi i kësaj fabrike ishte një prej premtimeve të kryetarit të Drenasit, Ramiz Lladrovci gjatë fushatës zgjedhore, i cili është i publikuar në raportin me premtimet e kryetarëve të komunave, nga Instituti GAP.
Përveç këtij premtimi, Lladrovci akoma nuk ka filluar të punojë diçka në tokën e shpronësuar nga AKP-ja prej 62 hektarëve, për ndërtimin e fabrikave nga investitorë të huaj.
25 hektarë të kësaj prone, përmes një vendimi të qeverisë, i ka marrë ministria e Kulturës, Rinisë e Sportit, për ndërtimin e stadiumit kombëtar të Kosovës, shkruan gazeta inFokus.
Pjesa tjetër, zëdhënësi Dobra tregon se ka mbetur akoma në emër të qeverisë.
Për të, ai thotë se kanë marrë konfirmimin se BERZH-i ka destinuar 15 milionë euro për zgjerimin e parkut të biznesit.
“Kemi marrë konfirmimin se BERZH-i tashmë veç i ka destinuar 15 milionë euro për zgjerimin e parkut të biznesit 2 që po quhet përballë parkut të biznesit 1 dhe vetëm pritet të fillojnë procedurat për rregullimin e infrastrukturës për vendosjen e bizneseve qoftë vendore, por edhe atyre ndërkombëtare, kryesisht bizneseve prodhuese”, thotë Dobra.
Kur Parku i Biznesit 2 të kompletohet, Dobra beson se do të punësohen mbi 1 mijë persona. /Gazeta inFokus/
Të tjera
-
Deklarimi i çuditshëm i pasurisë nga Hysamedin Feraj: Shtëpinë e llogaritë 12 euro e 50 cent, banesën rreth 115 euro
Hysamedin Feraj çudit me vlerën e pasurive, deklaron shtëpi 12 euro e 50 cent...
-
Gazetari serb: Vuçiq dhe Lista Serbe do t’i tradhëtojnë deri në fund serbët e Kosovës
Analisti serb, Branisllav Kërstiq, ka deklaruar se në amplitudën e tradhëtisë...
-
Hoti ngre alarmin për mungesë të investimeve kapitale, kërkon rishikim të politikave fiskale
Ish-kryeministri i Kosovës, Avdullah Hoti deklaron se në Qeverinë Kurti janë ...
-
Shkoi për ta vizituar babanë, u bë piktor i njohur, historia frymëzuese e Zecir Gashit nga Gjermania
Një histori frymëzuese nis në vitin 1994 kur Zecir Gashi, kishte udhëtuar për...
-
Kosova merr një mirënjohje në Bienalen e Venecias, ministrja serbe e lëshon sallën (Video)
Ministri i Kulturës, Rinisë dhe Sportit, Hajrulla Çeku, ka bërë të ditur se p...
-
46 mijë e 556 qytetarë me të drejtë vote në referendumin e së dielës në veri
46 mijë e 556 qytetarë të katër komunave veriore, kanë të drejtë të marrin pj...
-
Shumica e pasurisë së kryeparlamentarit Konjufca në emër të prindit
Vetëm një banesë 90 metra katrorë që ka vlerën e 60 mijë eurove, e ka deklaru...
-
Ngritët kallëzim penal ndaj dy inspektorëve dhe u.d kryeinspektores së Shëndetësisë, ia ndërprenë jashtëligjshëm punën një qendre shëndetësore
Është ngritur kallëzim penal ndaj ushtrueses së detyrës së kryeinspektores së...
-
Presidentja Osmani shumicën e pasurisë e deklaron në emër të bashkëshortit të saj
Në deklarimin e pasurisë të bërë në Agjencinë Kundër Korrupsionit, Presidentj...
-
Kryeministri Kurti deklaron pasurinë: Banesë në vlerë 400 mijë euro në emër të gruas (Dokument)
Kryeminsitri Albin Kurti ka deklaruar në Agjencinë për Parandalimin e Korrups...
-
Ramush Haradinaj deklaron pasurinë: Vetëm shtëpitë dhe vila e tij kanë vlerë mbi 1.2 milion euro (Dokument)
Ish-kryeministri i Kosovës, Ramush Haradinaj ka deklaruar pasurinë e tij në A...
-
Memli Krasniqi deklaron pasurinë: 65 mijë euro në Bitcoin, shtëpi 180 mijë euro e banesë 120 mijë euro (Dokument)
Agjencia Kundër Korrupsionit ka publikuar të shtunën, deklarimet e pasurisë s...