Lajme

Elon Musk “ultimatum” stafit të Twitter-it: Punoni me orë të zgjatura ose largohuni

Autori: Gazeta inFokus 21:45 | 16 November 2022

Pronari i ri i Twitter, Elon Musk po tregohet i ashpër me punonjësit e tij, të cilëve u ka kërkuar të angazhohen në punë me orë të zgjatura ose përndryshe të largohen nga kompania, shkruan BBC.

Në një e-mail drejtuar stafit, ai u ka thënë punonjësve se duhet të pajtohen me zotimin nëse duan të qëndrojnë, raportoi Washington Post. Ata që nuk regjistrohen deri të enjten do t’u jepet pagesa e tre muajve, tha Musk.

Punëtorëve u është thënë se duhet të klikojnë në një lidhje deri në orën 17:00 EST të së enjtes, nëse duan të jenë “pjesë e Twitter-it të ri”. “Çfarëdo vendimi që të merrni, ju falënderoj për përpjekjet tuaja për ta bërë Twitter të suksesshëm”, ka thënë ndër të tjera Musk.

-Advertisement-

Njeriu më i pasur në botë ka njoftuar tashmë se gjysma e stafit të Twitter do të shkurtohen, pasi ai bleu kompaninë në një marrëveshje prej 44 miliardë dollarësh.Musk tha se ai nuk kishte “zgjidhje” mbi shkurtimet pasi kompania po humbte 4 milion në ditë.

Ai ka fajësuar “grupet aktiviste që u bëjnë presion reklamuesve” për “rënie masive të të ardhurave”. Një mori drejtuesish të lartë të Twitter kanë dhënë gjithashtu dorëheqjen pas blerjes së firmës nga ana e tij./abcnews.al

Subscribe në YouTube: GAZETA INFOKUSI
Vrasja e Lulzim Fejzullahut, vjen reagimi i parë nga ministrja Haxhiu
-Advertisement-

Të tjera

Fokusi

lajme