Sport

Elon Musk do ta blejë Liverpoolin

Autori: Gazeta inFokus 19:05 | 07 January 2025

Babai i njeriut më të pasur në botë, Elon Musk, ka thënë se djali i tij do të donte ta blinte Liverpoolin.

“Fenway Sports Group”, grup i cili e futi Liverpoolin në portfolion e tij sportive më 2010, ka qenë në kërkim të investimeve të jashtme në të kaluarën, por asnjëherë shitja e plotë nuk është konsideruar seriozisht.

Megjithatë, Errol Musk është pyetur nëse djali i tij ia ka vënë syrin Anfield-it.

-Advertisement-

“Nuk mund të komentoj për këtë. do ta rrisin çmimin”, tha Musk i vjetër për “Times Radio”.

Kur u pyet sërish për atë nëse Eloni do të donte të blente Liverpoolin, ai shtoi: “Oh, po. Por kjo nuk do të thotë se po e blen”.

“Do të donte, po, është e dukshme. Çdokush do të donte – edhe unë”.

Majin e vitit të kaluar, “Forbes” e renditi Liverpoolin si klubin e katërt më të vlefshëm në botë, me një vlerë prej 5,184 miliardë euro.

Por, kjo është vetëm pak mbi 1 për qind e pasurisë totale të Muskut, e cila besohet të jetë mbi 413 miliardë euro.

FSG shpesh janë kritikuar nga një pjesë e fansave për mungesë investimesh në ekip.

Subscribe në YouTube: GAZETA INFOKUSI
-Advertisement-

Të tjera

Fokusi

sport