Sport

Edon Zhegrova kalon nën menaxhimin e agjentit të njohur, futet në mesin e shumë yjeve

Autori: Gazeta inFokus 18:52 | 18 April 2024

Edon Zhegrova ka vendosur ta ndërrojë agjentin, duke nën shkruar me Hasan Cetinkayan dhe agjencinë “HCM SPORTS MANAGEMENT”.

Zhegrova po kalon formë të mrekullueshme këtë sezon me ekipin francez dhe po kërkohet nga top-skuadrat evropiane.

25-vjeçari ka 11 gola dhe nëntë asistime këtë sezon në Ligue 1, ndërsa lajmi për ndryshim të agjencisë është bërë nga Fabrizio Romano.

-Advertisement-

Çetinkaya vlerësohet prej agjentëve më të mirë në futboll, pasi ka nën menaxhim yje Frenkie de Jong, Viktor Gyokeres, Victor Lindelof, Deniz Zakaria, Emil Forsberg e shumë të tjerë.

Në foton e publikuar nga Romano, përveç babait të Edonit, shihet edhe humoristi Vedat Bajrami, i cili e ka ndihmuar shumë Zhegrovën në fillet e tij dhe madje ishte ai që e kishte kompletuar transferimin e tij në Belgjikë.

Zhegrova më parë ishte pjesë e agjencisë ESHA, që drejtohet nga Arbër dhe Erdin Shaqiri.

Subscribe në YouTube: GAZETA INFOKUSI
Comodita në Las Vegas Market prezanton linjat e reja të dyshekëve për tregun amerikan

Të tjera

Fokusi

sport