Lajme

Edi Rama për raportet me Kurtin: Jam tërësisht i papërfshirë në jetën politike në Kosovë

Autori: Gazeta inFokus 14:16 | 20 June 2022

Sot Qeveria e Kosovës u takua për të tetën herë me atë të Shqipërisë, për të diskutuar mbi thellimin e bashkëpunimit dhe marrëdhënieve mes dy shteteve.

Në konferencën e përbashkët për media, mes Kryeministrit shqiptar Edi Rama dhe atij të Kosovës, Albin Kurti, Rama foli edhe për raportimet rreth raporteve të tij me Kryeministrin kosovar dhe qeverinë Kurti.

Tha se gjithçka çfarë është thënë janë spekulime, duke argumentuar kështu me marrëveshjet e arritura dhe të zbatuara mes dy qeverive.

-Advertisement-

“Për ata që kërkojnë të gjejnë arsye që të bëjnë komente mbi mosmarrëveshje dhe mungesë të ecurisë së punës mes dy qeverive. Me qeverinë aktuale e kemi shkallën më të lartë të zbatimit të marrëveshjeve të nënshkruara, përfshirë edhe marrëveshjet e nënshkrua në të kaluarën”, tha Rama në Prishtinë.

Shtoi se është i pa përfshirë në jetën politike në Kosovë dhe i pa interesuar të përfshihet.

“Shpresoj që ky të konsiderohet një fakt dhe jo një arsyeje për të bërë spekulime të tjera të natyrës politike. Sepse unë jam tërësisht i papërfshirë edhe i painteresuar të përfshiheshim në jetën politike të Kosovës”, theksoi kryeministri shqiptar, shkruan Gazeta Online Reporteri.net.

“Sot ne kemi bërë një bilance pozitiv të bashkëpunimit dhe kemi rënë dakord për disa gjëra me rëndësi. Nuk e ekzagjeroj fare kur them se pas çdo mbledhje të përbashkët ne i afrohemi pak më shumë qëllimit madhor të dokumentit te partneritetit strategjik mes dy shteteve tona. Sot kemi rënde dakord që në kuadrin e 110 vjetorit të flamurit tonë kombëtar të pavarësisë së Shqipërisë të organizojmë për herë të parë Kuvendin e Përbashkuar të të dyja republikave. Një seancë jubilare ku deputetët e të dyja shteteve do të jenë bashkë për të adresuar popullin shqiptar kudo ku ai ndodhet dhe poashtu kemi rënë dakord që në periudhën e fundit të vitit të publikojmë edhe revistën e parë bashkëqeveritare e cila do t’ju shërbejë të gjithëve për të parë të gjitha faktet dhe shifrat e bashkëpunimit dhe të gjitha marrëveshjet dhe nivelin e zbatimit të tyre, pra do te kemi një fletore zyrtare për të dyja qeveritë e cila do të publikohet ne fund të çdo viti”, tha Rama.

Subscribe në YouTube: GAZETA INFOKUSI
BKT Kosova synon të rrisë ndërgjegjësimin lidhur me çrregullimet e spektrit të autizmit në Ditën Botërore të Ndërgjegjësimit për Autizmin

Të tjera

Fokusi

lajme