Fokus

E rëndë: Babai në Podujevë rrah dhe ngacmon seksualisht të bijën e moshës së mitur

Autori: Gazeta inFokus 14:11 | 19 October 2022

Një rast i tmerrshëm ka ndodhur të martën në Podujevë, ku prindi i një vajze të mitur përveç që e sulmon atë fizikisht e ka ngacmuar edhe seksualisht.

Në lidhje me këtë rast Gazeta Infokus ka siguruar të dhëna nga Prokuroria Themelore në Prishtinë ku kanë treguar të dyshuarit i është caktuar masa e paraburgimit “Ngacmimi seksual” dhe “Keqtrajtimi apo braktisja e fëmijës”.

Zëdhënësja e kësaj prokurorie, Laureta Ulaj për Infokus ka thënë se të dyshuarit i është kërkuar masa e paraburgimit nga gjykata.

-Advertisement-

“Lidhur me këtë rast, mund t’iu njoftojmë se fillimisht me urdhër të Prokurorit të Shtetit, është dërguar në mbajtje një person i dyshuar, për shkak të veprave penale “Ngacmimi seksual” dhe “Keqtrajtimi apo braktisja e fëmijës”, si dhe gjatë ditës së sotme është paraqitur kërkesë për caktimin e masës së paraburgimit ndaj të njëjtit në gjykatën kompetente”, ka deklaruar Ulaj për Infokus.

Ndryshe zëdhënësja e kësaj prokurorie ka thënë se nuk mund të japim detaje të tjera meqenëse këtë rast është duke e trajtuar Departamenti për të Mitur.

Edhe policia raportoi për këtë rast në raportin 24 orësh të datës 19 tetor, duke thënë se një person kishte sulmuar fizikisht e ngacmuar seksualisht një vajzë të mitur mirëpo duke mos zbuluar relacionin e tyre familjar.

“Është arrestuar i dyshuari mashkull kosovar pasi që dyshohet se ka sulmuar fizikisht dhe seksualisht viktimën femër kosovare. Me vendim të prokurorit i dyshuari është dërguar në mbajtje”, thuhet në raportin 24 orësh të Policisë së Kosovës”, thuhej në raportin e sotëm të policisë./Gazeta Infokus/

Subscribe në YouTube: GAZETA INFOKUSI
Etiketa:
Viva Fresh sjell programin XL: 10% zbritje gjatë gjithë vitit!
-Advertisement-

Të tjera

Fokusi

fokus