Njohuritë dhe kapacitetet e rinisë kosovare në fushën e teknologjisë digjitale po synohet të vihet në shërbim të zhvillimit ekonomik. Këtë e thotë ministri i Inovacionit dhe Ndërmarrësisë, Besim Beqaj.

Siaps tij, deri me tani në këtë drejtim të rinjtë janë treguar me të shkathët dhe me efikas se shteti, por ajo qw po ndodh tani është se institucionet po mundohen të jenë të gatshme për t’i përkrahur dhe inkurajuar.

Ministri i Inovacionit dhe Ndërmarrësis, Besim Beqaj në intervistë për Gazetën inFokus ka thënë se ministria qw ai drejton është duke bërë punë të mëdha për t’i trasuar rrugën zhvillimit të Kosovës duke e futur në prioritet ekonominë digjitale.

-Advertisement-

Ekonomia Digitale, sipas tij është e ardhmja e zhvillimit ekonomik të vendit.

“Ministria që unë e udhëheq është ministri e re, është dikaster i ri, është dikaster që ka kërkuar angazhim, është dikaster që ka kërkuar pozicionim të ministrisë karshi ministrive të tjera, me krijuar bazë ligjore, me krijuar infrastrukturë të nevojshme për funksionim të saj, me krijuar mekanizma rajonal dhe ndërkombëtar të bashkëpunimit. Të gjitha këto, dua të them pa asnjë modesti se kemi arritur t’i  bëjmë me një lëvizje shumë të shpejtë”, ka thënë ministri Beqaj.

Ai ka treguar se me datën 11 dhe 12 tetor, Ministria e Inovacionit dhe Ndermarrësisë do të mbaj një konferencë shumë të fuqishme që quhet “DigiTalks”. Kjo do të jetë konferencë rajonale ndër me të mëdhatë qe është organizuar deri me tani. Në këtë konferencë do të jenë pjesëmarrës edhe përfaqësuesit e Komisionit Evropian

“Në këtë drejtim institucionet janë të gatshme ta përcjellin dinamikën e të rinjve dhe të rejave tona. Sepse ata janë më të shpejtë dhe më efikas sesa shteti që deri tash i ka përkrahë në kuptimin e digjitalizimit të ekonomisë dhe të rritjes së nivelit të shërbimeve që janë përmes teknologjisë informative”, thotë ministri Beqaj.

I pyetur a është bërë sa duhet deri me tani, ministri Beqaj thotë se ka nisë në veprime, normalisht, por sipas tij ekonomia digjitale merr formë kur të ketë infrastrukturë ligjore të plotë, infrastrukturë fizike të plotë, kur ka buxhet mjaftueshëm dhe kur ka sistem të qartë të edukimit.

“Pra, nuk është një çështje që mund të ndodhë brenda një nate, nja jave, një muaji, apo as pas gjashtë muajsh. Është një procedurë e gjatë që duhet t’i paraprijë. E kemi proceduar në qeveri draft-koncept dokumentin për ligjin për Inovacion dhe Ndërmarrësi i cili trajton të gjitha këto gjëra dhe që rezultat i kësaj do të jetë ligji, por edhe strategjia e cila do ta përcaktojë orientimin afatgjatë të shtetit drejt ekonomisë së digjitalizuar ku inovacioni, ndërmarrësi, të rinjtë dhe të rejat tona do të gjejnë hapësirë për të funksionuar brenda përbrenda Kosovës. Ne jemi duke tentuar që këtë kapacitet që e ka rinia e sotshme të vihet në shërbim të zhvillimit ekonomik. Tani jemi duke tentuar me krijuar infrastrukturë fizike, ligjore dhe buxhet me politikat qeveritare”, ka thënë ministri Beqaj.

Tek infrastruktura fizike, ka treguar se është gati një marrëveshje me komunë e Ferizajit për krijimin e një qendre, marrëveshje e cila është në prag të nënshkrimit, por ka kaluar në Universitet të Prishtinës për ta bërë fakultetin e inxhinierisë mekanike. Me qeverinë gjermane Beqaj thotë se po realizohet projektin më i madh në nivel rajonal.

“Do të hapet Qendra Gjermano-Kosovare për trajnime dhe inovacion e cila do të jetë e menaxhuar për një kohë të caktuar nga gjermanët. Këtu vlen të theksohet se ka qenë një angazhim i madh i qeverisë, i kryeministrit Ramush Haradinaj, me tërë potencialin, pra është dashtë të bëhet një marrëveshje mes dy qeverive dhe tani thuajse është gjithçka gati”, ka potencuar ministri Besim Beqaj. /Gazeta infokus/

VIVA FRESH E SHPALL KREEEEJT MUAJIN BLACK NOVEMBER!

Sponsoruar

-Advertisement-