Brenda muajit qershor pritet të miratohet Projektligji i ri për Skemat Pensionale, bazuar me vendimin e Gjykatës Kushtetuese për njohjen e kontributit të punëtorëve të larguar nga puna në vitet 1990.

Sipas Ministrit të Financave, Punës dhe Transfereve, Hekuran Murati, i njëjti pritet të hyjë në fuqi para 15 korrikut, afat ky i vendosur nga Kushtetuesja.

Por, dikush është skeptik se kjo mund të ndodh në muajin korrik.

Deputeti i AAK-së, Shemsedin Dreshaj, thotë se ky Projekligj nuk ka gjasa të hyjë në fuqi para vjeshtës.

“Ky ligj duke u bazuar në procedurën normale ligjore, nuk ka shanse mu realizu para datës 15 korrik, nëse ndiqet procedura normale, nëse jo atëherë është diçka tjetër. Por çdo person i punësuar në sektorin publik aq sa ka kontribuuar aq do të marr në përqindje për pensionim. Nuk ka mundësi me hy ne fuqi para datës 15 korrik”, tha ai për Front Online.

Edhe nëse praktikohet procedura e shpejtë, prapë sipas Dreshajt nuk është e mundur të hyjë në fuqi para 15 korrikut.

“Teorikisht nuk ka shanse. Prej ditës në lexim të parë deri në leximin e dytë kërkohet 60 ditë. Sot jemi në datën 21 qershor, e flasim për datën 15 korrik. E vetmja rrugë që mundet me u realizu është me procedurë të shpejtë, pra leximi i parë dhe i dytë me u kry brenda ditës, por ajo shanse teorike nuk ka për shkak se është ligj i madh dhe është me rëndësi të veçantë”, u shpreh ai.

Dreshaj thotë se pavarësisht a e përkrah pozita e opozita, ai personalisht do ta votoj.

Projektligji për ndryshimin dhe plotësimin e Ligjit për Skemat Pensionale të Financuara nga Shteti nuk ka kaluar në Kuvendin e Kosovës.

Kjo për shkak të një neni që kërkohej nga AAK të largohej.

Në janar të këtij viti, Dreshaj kishte njoftuar se Gjykata Kushtetuese ka marrë vendim që të largojë nenin 8 të ligjit për skemat pensionale. Ky nen përcaktonte se të gjithë punëtorët që nuk i kanë 15 vite punë para datës 1 janar 1999, nuk e gëzojnë të drejtën për pension kontributdhënës.

Gjykata Kushtetuese pas shqyrtimit të kërkesës së Gjykatë Supreme, në fund të vitit të kaluar kishte marr vendim me të cilin ua njeh kontributin punëtorëve të larguar nga puna në vitet 90-ta.

“Gjykata thekson që Gjykata referuese, bazuar në pesë (5) konteste në shqyrtim para saj dhe që ndërlidhen me të drejtën e palëve përkatëse për pension kontributpagues, ka kërkuar vlerësimin e kushtetutshmërisë së Ligjit në lidhje me Udhëzimin Administrativ të aplikueshëm dhe të kontestuar në këtë rast, sa i përket kriterit të përvojës së punës në kohëzgjatje prej pesëmbëdhjetë (15) vitesh para 1 janarit 1999, në rrethanat historike dhe politike të viteve të ‘90-ta, përgjatë të cilave, pjesa dërrmuese e të punësuarve, ishin larguar nga vendet e tyre të punës bazuar në ligje diskriminuese”, është thënë në vendimin e Kushtetueses.

Edhe dy medalje të arta – Viva Fresh, lider në cilësi, produkte dhe shërbime në Kosovë

Sponsoruar