Ekonomi

Dreka e shtrenjtë e Hashim Thaçit që bëri bujë: Vjosa Osmani ia kalon me afro 2 mijë euro për një drekë

Autori: Gazeta inFokus 14:59 | 09 Nëntor 2023

Në një kohë krize kur qytetarët po përballen me probleme të shumta ekonomike, e kur sektori publik në vazhdimësi po shprehin pakënaqësitë e tyre përmes protestave e grevave, vetëm një drekë e të parës së shtetit, Vjosa Osmani me presidentin e Malit të Zi në vitin 2022, i ka kushtuar buxhetit të shtetit, 1 mijë e 727 euro.

Kjo në bazë të të dhënave që Gazeta Infokus ka siguruar nga presidenca përmes kërkesës për qasje në dokumente publike. Derisa në një drekë tjetër në të njëjtin, vit me presidentin e Shqipërisë, Vjosa Osmani shpenzoi nga buxheti i shtetit, 1 mijë e 294 euro. E në një tjetër të vitit 2023 përsëri gjatë vizitës së presidentit të Shqipërisë, kushtoi hiq më pak se 1 mijë e 274 euro, në kohën në kohën kur për një muaj protestuan njësia elitë e policisë së Kosovës, Njësia Speciale për Intervenime si dhe hynë në grevë për më shumë se një javë minatorët e Trepçës të cilët kërkonin ndër të tjera pagat e tyre.

Me këto çmime të drekave e para e shtetit ia ka kaluar edhe ish presidentit të Kosovës, Hashim Thaçit, shkruan Gazeta Infokus.

-Advertisement-

Në vitin 2018 në kohën kur Thaçi ishte kryeministër, u bë bujë e madhe e u përfol jashtëzakonisht shumë për një drekë të tij ku kishte shpenzuar 1.085 euro e 500 prej tyre vetëm për 10 litra verë italiane.

Kallxo.com përmes qasjes në dokumente publike siç kishin theksuar ata pasi kishin paditur zyrën e kryeministrit, dhe kishin siguruar qasje në fatura publikuan, drekën e shtrenjtë të Thaçit dhe se cfarë ishte porositur nga atëherë i pari i ekzekutivit.

LEXO EDHE: Dyfishohet luksi i Vjosa Osmanit, 315.000.00 euro për dreka, darka, akomodime e mëditje

Mirëpo shpenzimi i Thaçit për drekën më të shtrenjtë po mbetet nën hije, kur presidentja Osmani i është afruar shifrës 2 mijë euro për vetëm një drekë që është ngrënë gjatë vizitës së homologut të saj nga Mali i Zi, në Kosovë.

E të tjera dreka të shtrenjta të Vjosa Osmanit janë me çmimet 825 euro, 811 euro, 720 euro e deri tek 566 euro.

Kujtojmë që pushteti aktual vazhdimisht kanë qenë të zëshëm e kritik ndaj shpenzimeve të parave të shtetit e abuzimit me to, madje Vjosa Osmani në vitin e parë si presidente kishte publikuar shpenzimet e kabinetit të saj duke u mburrur se ka rënie drastike të shpenzimeve./Gazeta Infokus/