Ekonomi

Dogana liron 370 milion euro mallra për prodhues në import në vitin 2019

Autori: Gazeta inFokus 16:06 | 15 Janar 2020

Duke u bazuar në politikat fiskale, nga Dogana e Kosovës, për vitin që shkoi, për prodhuesit kosovar janë importuar me zero taksa 10.5% e totalit të vlerës së importit për vitin 2019.

Kjo e kthyer në euro i bie plot 370 milion, shkruan gazeta inFokus.

Ndërsa, ndikimi në taksat në import që i referohen mallrave të liruara për prodhues ëhstë rreth 81.5 milionë euro.

-Advertisement-

Kjo paraqet edhe rritje prej 9.7% duke u krahasuar me vitin paraprak, atë 2018, ndërsa ndikimi në taksën doganore ka qenë 9 milionë euro, 11.5 milion në taksën e akcizës e 61 milion në TVSH, shkruan gazeta inFokus.

Në një njoftim të Doganave të Kosovës, thuhet edhe se “Sa i përket MSA-se duhet theksuar se ndikimi në të hyra nga MSA përgjatë kësaj periudhe është rreth 64 mil€ apo rreth 47 % më shumë se sa periudha e njëjtë e vitit paraprak 2018. Gjithashtu ndikim në të hyra ka pasur edhe marrëveshja e tregtisë se lirë me Turqinë që ka hyrë në fuqi me 1 Shtator 2019 , ku efekti ne te hyra në import nga kjo marrëveshje për katër muaj ishte në vlerë 2.5 mil €. Totali i lirimeve për prodhues, ndikimi i MSA-se dhe MTL me Turqinë për vitin 2019 kanë pasur efekt 148 mil€ në taksat importuese”.

“Shpresojmë se ndikimi i këtyre politikave fiskale, MSA-se, Marrëveshjes se Tregtisë së Lirë, ka pasur efektin e vet pozitiv në ekonominë kosovare, për prodhuesit kosovar në ngritjen e kapaciteteve të tyre prodhuese, në zëvendësimin e produkteve në import dhe rritjen e eksporteve të produkteve kosovare drejtë vendeve tjera”./Gazeta inFokus/