Sport

Djali i Ancelottit, kandidat për stolin e ekipit të Premier League-s

Autori: Gazeta inFokus 11:39 | 27 January 2023

Davide Ancelotti ishte në pankinë, pranë babait të tij, në derbin e Kupës së Mbretit mes Realit të Madridit dhe Atléticos së Madrid. Djali i trajnerit të “Los Blancos” u pa shumë aktiv në stol. Diçka e zakonshme tek ai. Në Itali dhe Angli është përhapur lajmi se Davide është një opsion për stolin e Evertonit. Siç raportohet nga “La Gazzetta dello Sport”, largimi i tij do të jetë i mundur vetëm nëse drejtuesit e Realit japin miratimin.

“Toffees” e njohin Daviden që nga koha e Carlo Ancelottit tek Evertoni. Ata kanë kujtime të mira nga djali i trajnerit veteran, që duket se ka mësuar shumë nga i ati.

Sipas shtypit italian, djali i Ancelottit nuk është opsioni i parë. Argjentinasi Bielsa është avantazh në këtë garë, ku është edhe Sean Dyche, ish-menaxheri i Watfordit dhe Burnley-t.

-Advertisement-

Subscribe në YouTube: GAZETA INFOKUSI
Etiketa:

Të tjera

Fokusi

sport