Lajme

Detaje nga policia, numër i madh i veturave të djegura në parkingun e Albi Mall-it

Autori: Gazeta inFokus 14:36 | 09 May 2022

Gazeta Infokus pak më parë raportoi se disa vetura janë djegur në parkingun e Albi Mallit në Veternik, shkruan Gazeta Infokus.

Këtë për Infokus e ka konfirmuar zëdhënësi i Policisë së Kosovës, Baki Kelani.

Ai tha se nuk raportohet për të lënduar përderisa 7 apo 8 vetura janë djegur.

“Rreth orës 13:40 në Veterrnik të Prishtinës, në një parking veturash është raportuar për një rast zjarri. Njësitet policore menjëherë kanë dalë në vendin e ngjarjes, ku kanë vërejtur se nga zjarri i cili dyshohet se ka kapluar një  veturë të parkuar, dyshohet se janë djegur/dëmtuar edhe disa vetura tjera të parkuara. Janë njoftuar me kohë njësitet e zjarrëfiksave të cilat kanë lokalizuar zjarrin. Për momentin nuk raportohet për të lënduar por vetëm për dëme materiale në 7 apo 8 vetura”, ka deklaruar Kelani për Infokus.

Tutje ai shtoi se lidhur me rastin janë duke u kryer hetime intensive./Gazeta Infokus/

Digjen katër vetura në parkingun e Albi Mall-it (PAMJE)

Etiketa:

Të tjera

Fokusi

lajme