Lajme

Debati për “picën në burg”, Muja: Kam qenë vetëm i ndaluar, s’e njoh as Ferat Shalën as Bekim Haxhiun

Autori: Gazeta inFokus 15:55 | 26 April 2023

Deputeti i Vetëvendosjes, Armend Muja, ka folur për deklaratën e deputetit të PDK’së, Ferat Shala, i cili tha se “Bekim Haxhiu i ka dërguar picë sa Muja ishte në burg”.

Muja këto i quajti “ca pretendime të pavërteta”.

“Unë s’e njoh as Ferat Shalën, as Bekim Haxhiun, përpos në Kuvend. Është e vërtetë që një kohë jam akuzuar, por çështja se nuk e kontrollojmë dot. Çfarë ne mund të kontrollojmë janë veprimet tona. Ta dokumentojmë që performanca jonë ka qenë e ndershme, çfarë mund të bëjmë është t’ia lëmë procesit të drejtësisë”.

-Advertisement-

Ai tha se në 12 pika ka pasë “shpallje të pafajshme”.

“Ne kur i bëjmë diskutimet këtu nuk e bëjmë duke i paragjykuar fajtorin. Ne po kërkojmë është që secili ta kalojmë saktësisht atë çfarë kam bërë unë për shembull. Akuzohesh, shkon, justifikohesh dhe aty dokumentohet fajësia. Gjë që për shembull dy kushërinjtë tu, Hakia dhe Media, s’e kanë bërë. Sot e 100 vjet jam i gatshëm të ballafaqohem me çdo pretendim. Nuk kam qenë në burg për korrektim të zotëri Haxhiut. Kom pasë ndalesë, për të cilën jam përgjigjur. Jam i i bindur që kam performuar me nder. Tash po kërkojmë që secili ta dëshmojë veten para gjyqit”.

Subscribe në YouTube: GAZETA INFOKUSI
Comodita në Las Vegas Market prezanton linjat e reja të dyshekëve për tregun amerikan

Të tjera

Fokusi

lajme