Me gjashtë vota për, dy kundër e një abstenim ka kaluar projektligji për financimin e subjekteve politike në komisionin për buxhet e financa të Kuvendit të Kosovës.

Miratimi i këtij projektligji u përcoll me një debat të ashpër mes përfaqësuesve të Vetëvendosjes e PSD-së, shkruan Gazeta inFokus.

Kryetarja e komisionit për legjislacion, Albulena Haxhiu e cila edhe pse nuk është pjesë e komisionit për buxhet e e financa, morri pjesë në mbledhjen e tij.

-Advertisement-

E prezenca e saj, i pengoi deputetit të AAK-së, Blerim Kuqi, i cili tha se kjo parti është mësuar t’i monitorojë deputetët e vet.

Kjo solli edhe reagimin e Haxhiut, që iu drejtua Kuqit duke i thënë që nëse nuk i pëlqen prezenca e saj, ta lëshoj mbledhjen.

Në këtë mes ka ndërhyrë kryesuesja e mbledhjes, Safete Hadërgjonaj e cila e ka ndalur debatin.

Haxhiu gjithashtu ka kundërshtuar ashpër ndryshimin-plotësimin e ligjit për financimin e partive politike, i cili nëse kalon në Kuvend do ta detyronte Vetëvendosjen që t’i ndajë paratë që i merr nga shteti, me të larguarit nga partia, që tash janë pjesë e PSD-së.

“Gjykata kushtetuese e ka treguar se çka e parasheh grupin parlamentar. Liria e deputetit nuk lidhet edhe me financat. Pasojat do t’i bartni ju që po bëni pazare me projektligje të tillë”, ka thënë Haxhiu.

Ajo ka thënë se në rast se kalon ky projektligj edhe në Kuvend, ata do të kërkojnë një interpretim edhe nga Gjykata Kushtetuese.

Në arsyetimin që ia bëri projektligjit i cili ka kaluar më herët në qeveri, Besnik Tahiri tha se ai i është nënshtruar një konsultimi të plotë dhe ka marrur mbështetjen edhe të komisionit të Venedikut.

“Në plotësim ndryshimin e këtij ligji janë dy çështje. E para flet për kontributin e transferim bankar, ku gjithçka që kalon mbi 50 euro duhet të kalojë në transferim financiar. Kurse, e dyta lidhet me mandatin që ka të bëjë me mbi gjashtë deputetë të partisë politike. Dhe çështja e tretë është një lutje që të miratohet sa më shpejtë për shkak të obligimeve të MSA-së”, ka thënë Tahiri.

Përkrahje projektligjit me disa vërejtje i ka dhënë deputeti i PSD-së, Dardan Molliqaj.

“Duhet ta shoh Qeveria çështjen e transaksioneve ditore. Qeveria e ka hequr këtë rregull për partitë politike. Auditori nuk auditon mjetet që nuk janë të buxhetit të shtetit. Raportet buxhetore kanë qenë kogja skandaloze”, tha Molliqaj.

Përkrahje për këtë projektligj përveç Vetëvendosjes, dhanë të gjitha partitë e tjera. /Gazeta inFokus

VIVA FRESH E SHPALL KREEEEJT MUAJIN BLACK NOVEMBER!

Sponsoruar

-Advertisement-