Gazetari i Infokus, Shkelzen Dakaj ka reaguar ashpër pas vendimit të fundit të Zyrës së Rregullatorit për Energji (ZRRE), për rritjen e çmimit të energjisë për 16%, shkruan Gazeta Infokus.

Dakaj përmes një postimi në “Facebook”, ka kritikuar edhe mënyrën se si kompania KEDS/KESCO, pas privatizimit të distribucionit të energjisë elektrike, ka operuar me shkelje flagrante të ligjit.

Poashtu ai në reagimin e tij ka theksuar se sipas kontratës së shitblerjes, KEDS kishte obligim të investonte 300 milionë euro në rrjetin e energjisë elektrike, por këto investime kurrë nuk u realizuan ashtu siç ishte parashikuar nga Ligji i Prokurimit Publik.

-Advertisement-

“Çmimi i rrymës është “i lirë” – sepse Albini është bërë shumë i pasur. Kompania KEDS / KESCO, prej kur e ka privatizuar distribucionin e energjisë elektrike, ka operuar me shkelje flagrante të ligjit. Sipas kontratës së shitblerjes së distribucionit, KEDS ka marrë obligim të investojë 300 milionë euro në rrjet. Këto investime është dashur të bëhen sipas Ligjit të Prokurimit Publik. Megjithatë, ky ligj nuk është respektuar asnjëherë. Faturat e investimeve janë lëshuar paushall, ndërsa blerjet janë bërë kryesisht te kompani me aksionarë turq, me çmime shumëfish më të larta sesa vlera e materialeve të njëjta në treg. Shteti asnjëherë nuk ka kërkuar që të bëhet një hetim i këtyre faturave për vlerën e investimeve prej 300 milionë euro. Ky trend vazhdon edhe sot. Kompanitë e kontraktuara nga KEDS dhe KESCO janë kryesisht të lidhura me pronarë dhe shpesh bëhen me turqi, në mënyrë që të rritet artificialisht vlera e investimeve. Kjo “zvogëlon” fitimin zyrtar, e rrjedhimisht paguajnë tatimet shumë me pak në shtet. Në të njëjtën kohë, kjo sjell presion për rritje të çmimit të energjisë elektrike për konsumatorët”, ka shkruar Dakaj.

Tutje, Dakaj ka kritikuar ashpër qeveritë e kaluara dhe akuzon Albin Kurtin për dyshime në lidhje me korrupsionin në sektorin e energjisë.

Sipas gazetarit, tani që Albin Kurti ka arritur pasurinë, nuk ka rëndësi më për sa është çmimi i rrymës dhe sa i varfër është qytetari kosovar, pasi ai vetë ka përfituar nga kjo situatë.

“Pushtetet e kaluara janë akuzuar shumë për lidhjet e tyre me këtë kompani. Por realisht, asnjëherë dhe në asnjë pushtet nuk është vjedhur më shumë, nuk i janë krijuar më shumë favore kompanisë KEDS/KESCO dhe nuk është dëmtuar më rëndë Korporata Energjetike e Kosovës. Albin Kurti ka qenë i pakorruptuar vetëm deri kur ka rënë në kontakt me energjinë elektrike dhe me Turqinë. Pjesa tjetër mbetet histori. Kur ishte Albin Kurti i pakorruptuar, çmimi i rrymës ishte shumë i lartë për qytetarët më të varfër të Evropës. Por tani nuk ka më rëndësi sa është i varfër qytetari dhe sa i vështirësohet jeta qytetarëve nga rritja e çmimit të faturave të energjisë elektrike. Sepse Albini tashmë është i pasur. Ta gëzoni rritjen”, ka shkruar tutje Dakaj.

Ndryshe sot ZRRE, ka konfirmuar se rritja mesatare e tarifave për të gjitha kategoritë e konsumatorëve bazuar në të Hyrat e Lejuara Maksimale është rreth 16%.

“Kërkesa/propozimi fillestar i KOSTT-it për të Hyrat e Lejuara Maksimale për OST/OT – ka qene 101.878 mil€ ndërsa ZRRE i ka aprovuar këto të hyra në vlerën prej 88.198 mil€; Kërkesa/propozimi fillestar i KEDS-it për të Hyrat e Lejuara Maksimale për OSSH ka qenë 214.45 mil€ ndërsa ZRRE i ka aprovuar këto të hyra në vlerën prej 180.653 mil€; Kërkesa/propozimi fillestar i KESCO-s për të Hyrat e Lejuara Maksimale për FSHU ka qene 447.626 mil€ ndërsa ZRRE i ka aprovuar këto të hyra në vlerën prej 435.626 mil€, ku përfshihen operatorët e licencuar OSSH dhe OST/OT”, thuhet në njoftimin e ZRRE-së./Gazeta Infokus/

Më poshtë gjeni postimin e plotë:

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-