Lajme

Çitaku: Mbrëmë Kuvendi nderoi UÇK’në, vetveten e shtetin- Mesazh për ish-krerët, Kosova është pranë jush

Autori: Gazeta inFokus 11:22 | 07 October 2026

Deputetja e PDK’së, Vlora Çitaku, ka reaguar lidhur me seancën e djeshme të Kuvendit, duke thënë se me dy vendime, parlamenti e nderoi UÇK’në, vetveten dhe shtetin.

Çitaku, ka thënë edhe se, sot, Kosova ka një ligj që mbron Ushtrinë Çlirimtare të Kosovës dhe një Presidente të re, Justina Pula-Shirokën, e cila, ka shtuar Çitaku, është një zonjë të dashur e të nderuar.

‘’ Kjo është një kthesë e rëndësishme, e shumëpritur dhe e nevojshme. Tani, angazhimi ynë duhet të vazhdojë me të gjitha kapacitetet e shtetit, në mbështetje të betejës për drejtësi në apel’’, ka shkruar mes tjerash ajo.

-Advertisement-

Postimi:

Mbrëmë, me dy vendime, Kuvendi i Kosovës nderoi UÇK-në, vetveten dhe shtetin.

Sot, Kosova ka një ligj që mbron Ushtrinë Çlirimtare të Kosovës dhe një Presidente të re, Justina Pula-Shirokën – një zonjë të dashur e të nderuar, me të cilën na lidhin shumë vite bashkëpunimi dhe miqësie.

Mbrëmë fitoi edhe zëri i qytetarëve. Zëri që nuk u ndal dhe që u bë obligim për institucionet.

UÇK-ja na bashkoi sërish. Le të na mbajë të bashkuar rreth historisë së lavdishme të vendit tonë, deri në drejtësi dhe liri për çlirimtarët.

Kjo është një kthesë e rëndësishme, e shumëpritur dhe e nevojshme. Tani, angazhimi ynë duhet të vazhdojë me të gjitha kapacitetet e shtetit, në mbështetje të betejës për drejtësi në apel.

Kjo fitore e shtetit të Kosovës u dedikohet Hashim Thaçit, Kadri Veselit, Jakup Krasniqit dhe Rexhep Selimit. Një mesazh për ta: Kosova është pranë jush.

Urime, Kosovë! Me UÇK-në në zemër!

VIVA FRESH E SHPALL KREEEEJT MUAJIN BLACK NOVEMBER!
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy