Chollet le të kuptohet se Kosova e ka pranuar propozimin europian, Kurti ende s’ka folur për telefonatën
Autori: Gazeta inFokus 11:59 | 11 February 2023
Ndryshe nga emisari i BE-së, Miroslav Lajcak që pas takimit me Kurtin kishte thënë se Kosova e ka pranuar në parim propozimin franko-gjerman, këshilltari i lartë i DASH, Derek Chollet pas bisedës që ka zhvilluar të premten me kryeministrin Kurti ka lënë të kuptohet se Kosova e ka pranuar të plotë propozimin dhe se vetëm duhet të procedohet tutje me implementim.
Këshilltari Special i Departamentit Amerikan të Shtetit, Derek Chollet ka zhvilluar të premten një bisedë telefonike me kryeministrin e Kosovës, Albin Kurti, ku kanë diskutuar për vendimin e Qeverisë së Kosovës për pranimin e propozimit franko-gjerman.
Ajo që bie në sy nga njoftimi i njeriut të afërt të sekretarit amerikan Blinken është që Kosova e ka pranuar si të tërë propozimin franko-gjerman dhe se tashmë duhet të procedohet me implementimin në mënyrë që të përfitojnë të dy shtetet.
“Fola me kryeministrin Kurti sot. Ne mirëpresim vendimin e Kosovës për të pranuar propozimin e BE-së për të normalizuar raportet me Serbinë përmes dialogut të lehtësuar nga BE. Tashmë na duhet implementimi për të siguruar përfitime të dukshme për të dy shtetet”, ka shkruar Chollet.
Ky njoftim i zyrtarit të lartë amerikan dallon me njoftimin që ka bërë para pak ditësh emisari sllovak, Miroslav Lajçak, i cili ka treguar se kryeministri i Kosovës e ka pranuar planin franko-gjerman në parim.
“Më vjen mirë që edhe Kosova tani e pranoi në parim Propozimin e BE-së. Ne do të vazhdojmë diskutimet tona në një takim të nivelit të lartë”, kishte shkruar Lajcak
Kryeministri Kurti pas takimit që kishte pasur me Miroslav Lajcak kishte treguar se Kosova e pranon propozimin e BE-së dhe se e konsideron një bazë të mirë për diskutime të mëtejshme.
Derisa kishte thënë se disa çështje të tjera që ndërlidhen me garancitë ndërkombëtare e mekanizmat e zbatimit dhe renditjen kohore do të trajtohen në një takim të radhës në Bruksel.
“Ne e pranojmë propozimin e BE-së për normalizimin e marrëdhënieve ndërmjet Kosovës dhe Serbisë dhe e konsiderojmë atë një bazë të mirë për diskutime të mëtejshme dhe një platformë solide për të ecur përpara.Disa pyetje mbi garancitë ndërkombëtare, mekanizmat e zbatimit dhe renditjen kohore do të trajtohen së shpejti gjatë bisedimeve në Bruksel. Konceptet demokratike të orientimit europian na bëjnë me shpresë”, kishte shkruar kryeministri.
Pjesë e këtij propozimi është që të gjitha marrëveshjet e arritura në Bruksel duhet të zbatohen, që nënkupton edhe themelimin e Asociacionit.
Për këtë çështje kryeministri Albin Kurti ka vendosur disa kushte, e një nga to që fillimi i implementimit të Asociacionit të bëhet pasi që Serbia ta njohë pavarësinë e Kosovës.
Për këtë ka pasur një qëndrim të ambasadës gjermane të dhënë për Gazetën Express ku kërkohet që të mos vendosen parakushte dhe që Kosova të implementojë Asociacionin.
Deri tani kryeministri Kurti s’ka bërë ndonjë reagim lidhur me bisedën që ka pasur me Chollet./GazetaExpress/
Të tjera
-
Kusari-Lila: Borrelli e Lajçaku s’kanë lejuar që qeveria ta hartojë konceptin e Asociacionit
Shefja e deputetëve të Lëvizjes Vetëvendosje, Mimoza Kusari – Lila, ka thënë ...
-
Imami kosovar thirrje Kurtit e Haxhiut: Lejoni shamitë në shkolla!
Imami Kosovar Labinot Maliqi, përmes një postimi ne facebook i ka bërë thirrj...
-
Besnik Tahiri: Nëse e bën këtë, unë i them hallall të koftë Albin Kurti
Shefi i GP-së së AAK-së, Besnik Tahiri, është shprehur i pakënaqur me punën e...
-
Marëdhënie në nivel strategjik
Kina deklaroi ngritjen e marrëdhënieve me Hungarinë Serbinë mbi nivelin e par...
-
Përbërja e re e Kuvendit të RMV-së do të jetë me 30 deputetë shqiptarë
Përbërja e re e Kuvendit të Maqedonisë së Veriut do të ketë 30 deputetë shqip...
-
Firmat e sanksionuara, dikur në bashkëpronësi të Radoiçiqit, fituan miliona euro
Mbi 23.5 milionë euro. Kaq fituan tri kompani ndërtimi në Serbi, të cilat gje...
-
Kurti: Vazhdojnë të mblidhen dëshmitë e krimeve të kryera gjatë luftës në Kosovë
Kryeministri i vendit, Albin Kurti, ka takuar drejtorin ekzekutiv të Institut...
-
Gjenerali amerikan merr detyrën e shefit të shtabit të KFOR-it në Kosovë
Gjeneral brigade Arthur J. Garffer nga ushtria amerikane ka marrë zyrtarisht ...
-
Bajrami – Gërvallës: S’mbulohën dështimet në politikën e jashtme me të pavërteta për ekonominë e Kosovës
Hykmete Bajrami, deputete e Lidhjes Demokratike të Kosovës, i ka reaguar, min...
-
Abdixhiku takon delegacionin 30 anëtarësh të CSU-së: LDK-ja i ruan dhe i kultivon raporte me forcat kryesore evropiane
Kreu i LDK-së, Lumir Abdixhiku, njofton se ka mirëpritur delegacionin 30 anët...
-
Skandaloze: Në parcelën ku duhet të ndërtohet një çerdhe në Prishtinë, po ngrihet një objekt banesor
Një skandal i madh, i pa parë deri më tash po ndodh në komunën e Prishtinës, ...
-
Bashkëluftetari i Ilir Konushevcit: S’kemi menduar kurrë se do t’i bëhej pritë në shtetin që kishim më së shumti besim
Sot janë bërë 26 vjet që nga rënia e heroit të kombit, Ilir Konushevci, bashk...